ജാസിർ
തേഞ്ഞിപ്പലം: കാലിക്കറ്റ് സർവകലാശാലാ പരിസരത്തെ വീട്ടിൽ നിന്ന് ഒരുകോടി രൂപ വിലവരുന്ന മാരക രാസലഹരിമരുന്നായ എംഡിഎംഎ (MDMA) പിടികൂടിയ കേസിൽ ഒളിവിൽ കഴിഞ്ഞിരുന്ന പ്രധാന പ്രതിയെ കൂടി പോലീസ് അറസ്റ്റ് ചെയ്തു. മലപ്പുറം ചേലേമ്പ്ര സ്വദേശി മുഹമ്മദ് ജാസിറാണ് ബാംഗ്ലൂരിൽ വെച്ച് പ്രത്യേക അന്വേഷണ സംഘത്തിന്റെ പിടിയിലായത്. സംഭവത്തിന് ശേഷം നാല് മാസത്തോളമായി ഒളിവിലായിരുന്നു ഇയാൾ.
ഈ വർഷം ഫെബ്രുവരി പത്തിനാണ് കേസിനാസ്പദമായ റെയ്ഡ് നടന്നത്. ചേലേമ്പ്ര സ്വദേശിയും ജാസിറിന്റെ പിതാവുമായ അസീസിന്റെ വീട്ടിൽ നിന്ന് 1031.13 ഗ്രാം എംഡിഎംഎയാണ് തേഞ്ഞിപ്പലം പൊലീസ് അന്ന് പിടിച്ചെടുത്തത്. റെയ്ഡ് നടന്ന ദിവസം ജാസിറിന്റെ മാതാപിതാക്കളായ അസീസ്, ഖമറുന്നീസ, ഇവരുടെ സുഹൃത്ത് സലാഹുദ്ദീൻ എന്നിവരെ പൊലീസ് സംഭവസ്ഥലത്തുനിന്ന് തന്നെ അറസ്റ്റ് ചെയ്തിരുന്നു. എന്നാൽ ഈ സമയത്ത് രക്ഷപ്പെട്ട് ഒളിവിൽ പോയ മുഹമ്മദ് ജാസിറിനായി പോലീസ് ലുക്കൗട്ട് നോട്ടീസ് ഉൾപ്പെടെ പുറപ്പെടുവിച്ച് തെരച്ചിൽ നടത്തിവരികയായിരുന്നു.
പിടിച്ചെടുത്ത മാരക മയക്കുമരുന്നിന് അന്താരാഷ്ട്ര വിപണിയിൽ ഒരുകോടി രൂപയിലധികം വിലവരുമെന്ന് പോലീസ് വ്യക്തമാക്കി. ലഹരിവസ്തുക്കൾക്ക് പുറമെ മയക്കുമരുന്ന് കച്ചവടത്തിലൂടെ സമ്പാദിച്ച 21 ലക്ഷം രൂപയും ലഹരിമരുന്ന് അളന്നു തിട്ടപ്പെടുത്താൻ ഉപയോഗിച്ചിരുന്ന അഞ്ച് ഇലക്ട്രിക് ത്രാസുകളും വോക്കിടോക്കി, ഗ്യാസ് ബർണർ എന്നിവയും പ്രതികളുടെ വീട്ടിൽ നിന്ന് പൊലീസ് കണ്ടെടുത്തിരുന്നു. ജാസിറും കുടുംബവും കാലിക്കറ്റ് സർവകലാശാലാ പരിസരം കേന്ദ്രീകരിച്ച് വൻതോതിൽ രാസലഹരിവസ്തുക്കളുടെ വിൽപനയും വിതരണവും നടത്തുന്നതായി മലപ്പുറം ജില്ലാ ലഹരിവിരുദ്ധ സ്ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു അന്ന് പരിശോധന നടത്തിയത്. കേസിൽ നേരത്തെ അറസ്റ്റിലായ അസീസിനെ തവനൂർ ജയിലിലും ഖമറുന്നീസയെ മഞ്ചേരി ജില്ലാ ജയിലിലുമാണ് നിലവിൽ റിമാൻഡ് ചെയ്തിരിക്കുന്നത്. പടിഞ്ഞാറൻ മലപ്പുറം മേഖലയിൽ ലഹരിമാഫിയക്കെതിരെ പോലീസ് കർശന നടപടികൾ സ്വീകരിക്കുന്നതിനിടെ, കേവലം 50 ദിവസത്തിനിടയിൽ തേഞ്ഞിപ്പലം പൊലീസ് പിടികൂടുന്ന രണ്ടാമത്തെ വൻകിട എംഡിഎംഎ ശേഖരമാണിത്. അറസ്റ്റിലായ മുഹമ്മദ് ജാസിറിനെ മലപ്പുറത്ത് എത്തിച്ച് വിശദമായി ചോദ്യം ചെയ്യുന്നതോടെ ലഹരി കടത്തിന്റെ അന്തർസംസ്ഥാന ശൃംഖലയെക്കുറിച്ചുള്ള കൂടുതൽ വിവരങ്ങൾ പുറത്തുവരുമെന്നാണ് പോലീസ് കരുതുന്നത്.
പട്ടാമ്പിയിൽ ആൺസുഹൃത്തിനെതിരെ ക്വട്ടേഷൻ ആക്രമണം ആസൂത്രണം ചെയ്തെന്ന കേസിൽ പ്രതിസ്ഥാനത്തുള്ള പെൺകുട്ടികളുടെ പങ്കാണ് ഇപ്പോൾ ചർച്ചയാകുന്നത്. ആൺസുഹൃത്തിന്റെ അമിത നിയന്ത്രണവും…
വൈദ്യുതി വാങ്ങൽ തീരുമാനങ്ങളെച്ചൊല്ലി സർക്കാരിനുള്ളിൽ ഉയർന്ന ഭിന്നത ഭരണതലത്തിലെ ഏകോപനക്കുറവിലേക്കും രാഷ്ട്രീയ പ്രതിസന്ധിയിലേക്കും നീങ്ങുന്നതിനിടെയാണ് നിർണായക ഇടപെടലുണ്ടായത്. ജി.എൻ.എയുമായുള്ള വൈദ്യുതി…
ആഗോളതലത്തിൽ ഭാരതത്തിലേക്കുള്ള വിനോദസഞ്ചാരം, വ്യാപാരം, ചികിത്സ, ഉന്നതവിദ്യാഭ്യാസം എന്നിവയെ പ്രോത്സാഹിപ്പിക്കുന്നതിനായി കേന്ദ്ര ആഭ്യന്തര മന്ത്രാലയം വിസ നടപടിക്രമങ്ങളിൽ വിപ്ലവകരമായ പരിഷ്കാരങ്ങൾ…
കേരളത്തിന്റെ സാംസ്കാരിക ചരിത്രത്തിൽ സമാനതകളില്ലാത്ത സാമൂഹിക മാറ്റത്തിന് വഴിതുറന്ന ചരിത്രപ്രസിദ്ധമായ ക്ഷേത്രപ്രവേശന വിളംബരത്തിന് ഇന്ന് തൊണ്ണൂറ്റാണ്ട് തികയുന്നു. ജാതിവ്യവസ്ഥയുടെയും അടിയുറച്ച…
പ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ ദീപാവലി പൊങ്കാല ഭക്തിനിർഭരമായി നടത്തുന്നതിനുള്ള മുന്നൊരുക്കങ്ങൾ ചർച്ച ചെയ്യുന്നതിനായുള്ള അവലോകന യോഗം നാളെ നടക്കും.…
ഉത്തർപ്രദേശിലെ ബാഗ്പത് ജില്ലയിൽ ദീപാവലി ആഘോഷത്തിനിടെ പടക്കം പൊട്ടിച്ചതിനെച്ചൊല്ലിയുണ്ടായ തർക്കം വെടിവെപ്പിൽ കലാശിച്ചു. രാഷ്ട്രപതിയുടെ അംഗരക്ഷക സംഘമായ പ്രസിഡന്റ്സ് ബോഡിഗാർഡിൽ…