ബാലയുടെ വിവാഹമോചനത്തിന് പിന്നിലും മോൻസൺ? അഭിഭാഷകന്റെ ഞെട്ടിപ്പിക്കുന്ന വെളിപ്പെടുത്തൽ

ബാലയുടെ വിവാഹമോചനത്തിന് പിന്നിലും മോൻസൺ? അഭിഭാഷകന്റെ ഞെട്ടിപ്പിക്കുന്ന വെളിപ്പെടുത്തൽ | ACTOR BALA

മോണ്‍സനും നടന്‍ ബാലയും (Actor Bala) തമ്മില്‍ അടുത്ത ബന്ധമാണെന്നാണ് ഇപ്പോൾ റിപോർട്ടുകൾ പുറത്തുവന്നിരിക്കുന്നത്. ആരോപണവുമായി ബാലയുടെ മുൻഭാര്യ അമൃതയുടെ അഭിഭാഷകന്‍ രംഗത്തുവന്നിരിക്കുകയാണ്. നടന്‍ ബാലയും ഗായിക അമൃത സുരേഷും തമ്മിലുള്ള വിവാഹമോചനത്തില്‍ മോണ്‍സണ്‍ മാവുങ്കല്‍ ഇടപെട്ടുവെന്ന് അമൃതയുടെ അഭിഭാഷകന്‍ പ്രേം രാജ് ഒരു മാധ്യമത്തോട് പറഞ്ഞത്.

മോണ്‍സന്റെ വീട്ടില്‍ വെച്ചാണ് മധ്യസ്ഥ ചര്‍ച്ച നടന്നതെന്നും പ്രേം രാജ് പറയുന്നു. തട്ടിപ്പു കേസില്‍ മോണ്‍സണെതിരേ പരാതി നല്‍കിയ അനൂപ് മുഹമ്മദും ബാലയുടെ അഭിഭാഷകയായ ശാന്തി പ്രിയയും അന്ന് മോണ്‍സന്റെ വീട്ടിലുണ്ടായിരുന്നുവെന്ന് പ്രേം രാജ് പറഞ്ഞു. ബാലയ്ക്ക് വേണ്ടി അന്ന് സംസാരിച്ചത് അനൂപ് മുഹമ്മദായിരുന്നു. ഒരാഴ്ചയ്ക്ക് ശേഷം കുടുംബ കോടതിയില്‍ ഇത് സംബന്ധിച്ച കേസുണ്ടായിരുന്നു. അന്ന് ബാല കോടതിയിലെത്തിയത് മോണ്‍സന്റെ കാറിലായിരുന്നു.

അനൂപ് മുഹമ്മദാണ് അന്ന് കാര്‍ ഓടിച്ചിരുന്നത്. ഒരു അയല്‍ക്കാരന്‍ എന്ന ബന്ധമാണുള്ളതെങ്കില്‍ ബാലയുടെ വ്യക്തിപരമായ കാര്യങ്ങളില്‍ സ്വാഭാവികമായും ഇടപെടുകയില്ല. അനൂപ് മുഹമ്മദുമായി ബാലയ്ക്ക് വലിയ സൗഹൃദമുണ്ട്- പ്രേം രാജ് പറഞ്ഞു. അതേസമയം 2019 ന്റെ തുടക്കത്തിൽ ഞാൻ അമൃതയുടെ അഭിഭാഷകൻ ആയിരുന്നു. ആ സമയത്ത് ബാലയും അമൃതയും തമ്മിൽ വിവാഹമോചനം ഉൾപ്പെടെ നാലഞ്ച് കേസുകൾ ഉണ്ടായിരുന്നു. അങ്ങനെയുള്ള സമയത്ത് അമൃതയുടെ കേസ് എന്റെ കൈയ്യിൽ ആണെന്ന് അറിഞ്ഞിട്ട് എന്റെ ഒരു സുഹൃത്ത് ഈ ബാലയും മോൺസനും തമ്മിൽ വലിയ ബന്ധമാണെന്നും ഈ മോൺസൺ പറഞ്ഞാൽ ബാല എന്തും കേൾക്കുമെന്നും പറഞ്ഞു. അപ്പോൾ ഞാൻ പറഞ്ഞു അങ്ങിനെ ആണെങ്കിൽ ഇതൊന്നു സെറ്റിൽഡ് ചെയ്‌തോളൂ എന്ന്. പിന്നീട് ആ സെറ്റിൽമെന്റ് സംസാരം നടക്കുന്നത് മോൺസന്റെ വീട്ടിൽ വച്ചാണ്. മോൺസന്റെ വീട്ടിൽ ഈ സംസാരം നടക്കുമ്പോൾ ബാലയുടെ കൂടെ വന്നത് ഒന്ന് ഈ പരാതിക്കാരൻ അനൂപ്, രണ്ട് ബാലയുടെ അഭിഭാഷക ശാന്തി പ്രിയ ഇവർ രണ്ടുപേരും ആണ്. ബാലയ്ക്ക് വേണ്ടി ഭൂരിഭാഗം സംസാരിച്ചിട്ടുള്ളതും ഈ അനൂപ് അഹമ്മദാണ്.