വാരാണസി സന്ദർശിച്ച് മൗറീഷ് പ്രധാനമന്ത്രി

വാരാണാസി: വാരാണസി സന്ദർശിച്ച് മൗറീഷ്യസ് പ്രധാനമന്ത്രി പ്രവിന്ദ് കുമാർ ജുഗ്‌നാഥ്. വ്യാഴാഴ്ച വാരണാസിയിലെ കാശി വിശ്വനാഥ ക്ഷേത്രത്തിൽ പ്രാർത്ഥന നടത്തിയതിന് ശേഷമാണ് പ്രവിന്ദ് മടങ്ങിയത്.
ഉഭയകക്ഷി ബന്ധം ശക്തിപ്പെടുത്തുന്നതിനായി എട്ട് ദിവസത്തെ സന്ദർശനത്തിനായാണ് മൗറീഷ്യസ് പ്രധാനമന്ത്രി ഇന്ത്യയിലെത്തിയത്.

ബുധനാഴ്ച രാവിലെ, ഗാന്ധിനഗറില്‍ നടന്ന ഗ്ലോബല്‍ ആയുഷ് ഇന്‍വെസ്റ്റ്മെന്റ് ആന്‍ഡ് ഇന്നൊവേഷന്‍ ഉച്ചകോടിയിൽ പങ്കെടുക്കാനാണ് മൗറീഷ്യസ് പ്രധാനമന്ത്രി ഇന്ത്യയിലെത്തിയത്. ആഗോള ആയുഷ് ഉച്ചകോടിയുടെ ഉദ്ഘാടനത്തിന് ശേഷം മൗറീഷ്യസ് പ്രധാനമന്ത്രിയുമായി പ്രധാനമന്ത്രി മോദി ഉഭയകക്ഷി കൂടിക്കാഴ്ച നടത്തുകയും പ്രതിരോധ മേഖലയിലെ വികസന പങ്കാളിത്തത്തെക്കുറിച്ചും സഹകരണത്തെക്കുറിച്ചും ചർച്ച ചെയ്തു.

മെട്രോ എക്‌സ്‌പ്രസ് പദ്ധതിയുടെ പുരോഗതിയും മൗറീഷ്യസിൽ ആയുഷ് സെന്റർ ഓഫ് എക്‌സലൻസിനായുള്ള നിർദ്ദേശവും പ്രധാനമന്ത്രി മോദിയും മൗറീഷ്യസ് പ്രധാനമന്ത്രിയും ചർച്ച ചെയ്തതായി ചെയ്‌തതായി വിദേശകാര്യ മന്ത്രാലയ വക്താവ് അരിന്ദം ബാഗ്ചി പറഞ്ഞു.