മുണ്ടത്തിക്കോട് ദുരന്തം! ഇത്തവണ വെടിക്കെട്ടുണ്ടാകില്ലെന്ന് തിരുവമ്പാടി ദേവസ്വം; സർക്കാരും പൊതുജനങ്ങളും തീരുമാനിക്കുന്നത് അംഗീകരിക്കും

തൃശൂർ മുണ്ടത്തിക്കോട് വെടിക്കെട്ട് ദുരന്തത്തിന്റെ പശ്ചാത്തലത്തിൽ, ഇത്തവണത്തെ പൂരത്തിന് വെടിക്കെട്ടുണ്ടാകില്ലെന്ന് തിരുവമ്പാടി ദേവസ്വം ദേവസ്വം സെക്രട്ടറി കെ. ഗിരീഷ് കുമാറാണ് ഇക്കാര്യം മാദ്ധ്യമങ്ങളോട് സ്ഥിരീകരിച്ചത്. സർക്കാരും പൊതുജനങ്ങളും എന്ത് തീരുമാനിക്കുന്നുവോ അത് അംഗീകരിക്കാൻ ദേവസ്വം തയ്യാറാണെന്നും, നിലവിലെ സാഹചര്യത്തിൽ ആഘോഷപൂർവം പൂരം നടത്താനാവില്ലെന്നും അദ്ദേഹം വ്യക്തമാക്കി. അപകടത്തിൽ മരിച്ചവരുടെയും പരിക്കേറ്റവരുടെയും കുടുംബങ്ങളെ ചേർത്തുനിർത്തുന്നതിനും അവർക്ക് ആശ്വാസം നൽകുന്നതിനുമാണ് ദേവസ്വം ഇപ്പോൾ മുൻഗണന നൽകുന്നത്.

സംഭവത്തിൽ ഏത് തരത്തിലുള്ള അന്വേഷണത്തെയും ദേവസ്വം സ്വാഗതം ചെയ്യുന്നതായി ഗിരീഷ് കുമാർ പറഞ്ഞു. തങ്ങൾ വെടിക്കെട്ട് കരാർ നൽകിയിരുന്നത് മുണ്ടത്തിക്കോട് സതീഷിനായിരുന്നുവെന്നും, അദ്ദേഹം മറ്റ് പല ഉത്സവങ്ങളുടെയും പെരുന്നാളുകളുടെയും കരാറുകൾ കൂടി ഏറ്റെടുത്തിട്ടുണ്ടാകാമെന്നും ദേവസ്വം സെക്രട്ടറി ചൂണ്ടിക്കാട്ടി.

അപകടസ്ഥലത്ത് നിരോധിത വെടിമരുന്ന് ഉൽപ്പന്നങ്ങൾ ഉപയോഗിച്ചിട്ടില്ലെന്നാണ് ദേവസ്വത്തിന്റെ പ്രാഥമിക വിലയിരുത്തൽ. സംഭവത്തിൽ യാതൊരുവിധ അട്ടിമറിയും നടന്നിട്ടില്ലെന്നും അദ്ദേഹം ആവർത്തിച്ചു.