മൂന്നാറിൽ അതിശൈത്യം; മഞ്ഞുവീഴ്ച; താപനില മൈനസ് രണ്ടിലെത്തി

മൂന്നാർ: മൂന്നാറിൽ താപനില മൈനസ് രണ്ടിലെത്തി. സീസണിലെ ഏറ്റവും കുറഞ്ഞ താപനിലയാണ് ഇന്നലെ രേഖപ്പെടുത്തിയത്. ഉപാസി, നല്ലതണ്ണി, സൈലൻറ്​വാലി എന്നിവിടങ്ങളില്‍ ചൊവ്വാഴ്ച പൂജ്യം ഡിഗ്രിയും ലക്ഷ്​മി എസ്​റ്റേറ്റില്‍ മൈനസ് ഒന്നുമാണ്​ രേഖപ്പെടുത്തിയത്​.

സാധാരണയായി ഡിസംബര്‍, ജനുവരി മാസങ്ങളിലാണ് കുറഞ്ഞ താപനില പൂജ്യത്തില്‍ താഴെ എത്തുന്നത് തന്നെ. ഇക്കുറി ഈ മാസം അവസാനമാണ് അതിശൈത്യം തുടങ്ങിയത്. തോട്ടം മേഖലയിലും മറ്റും അതിശക്തമായ തണുപ്പാണ് അനുഭവപ്പെട്ടത്. താപനില പൂജ്യത്തിലും താഴ്ന്നതോടെ മഞ്ഞുവീഴ്ചയും രൂക്ഷമായി. മൂന്നാർ ടൗണിലും മറ്റും പാർക്ക് ചെയ്തിരുന്ന വാഹനങ്ങളുടെ മുകളിൽ മഞ്ഞു പുതഞ്ഞു കിടന്നു.