യുവാവിനെ വെട്ടി കൊലപ്പെടുത്താൻ ശ്രമം; പിന്നിൽ ക്വട്ടേഷൻ സംഘമെന്ന് പോലീസ്

പത്തനംതിട്ട: തട്ട ഓരിപ്പുറം അമ്പലത്തിൽ കഴിഞ്ഞ ദിവസം ഉത്സവത്തിന് പങ്കെടുക്കാനെത്തിയ യുവാവിനെ വെട്ടി കൊലപ്പെടുത്താൻ ശ്രമം. പത്തനംതിട്ട കൈപ്പട്ടൂർ തൃക്കോവിൽ സ്വദേശി അപ്പുവിനെയാണ് വെട്ടിക്കൊലപ്പെടുത്താൻ ശ്രമിച്ചത്. സംഭവത്തിൽ പോലീസ് കേസെടുത്ത് അന്വേഷണമാരംഭിച്ചിട്ടുണ്ട്.

ഉത്സവശേഷം തിരികെ പോകാൻ ഗ്രൗണ്ടിലേക്ക് എത്തിയ യുവാവിനെ മൂന്നു കാറുകളിൽ എത്തിയ ആക്രമി സംഘം ഇടിച്ചു വീഴ്ത്തുകയും തുടർന്ന് വാളുകൊണ്ട് തലയിലും ദേഹത്തുമായി വെട്ടുകയുമായായിരുന്നു. കണ്ടു നിന്ന സുഹൃത്തുക്കളെയും സംഘം വാഹനം ഉപയോഗിച്ച് ഇടിച്ചു തെറിപ്പിച്ചു. ഗുരുതരമായി പരുക്കേറ്റ യുവാവ് കോഴഞ്ചേരി മുത്തൂറ്റ് ഹോസ്പിറ്റലിൽ വെന്റിലേറ്ററിലാണ്. തലയിലുണ്ടായ വെട്ടിൽ ഞരമ്പ് കട്ട് ആകുകയുണ്ടായി. ഒപ്പമുണ്ടായിരുന്ന ദീപു ചന്ദ്രൻ എന്ന സുഹൃത്തും ഹോസ്പിറ്റലിൽ ചികിത്സയിലാണ്.

സംഭവത്തിന്‌ പിന്നിൽ സിപിഎം-എസ് ടി പി ഐ കൂട്ടുകെട്ടിൽ വളർന്ന കണ്ണപ്പൻ എന്ന് വിളിക്കുന്ന നിർമ്മൽ ജനാർദ്ദനനും ഒരിപ്പുറം സ്വദേശി ശരത് എന്നിവരുടെ കൂട്ടുകെട്ടിൽ പറക്കോട് കേന്ദ്രീകരിച്ചുള്ള കൊട്ടേഷൻ സംഘം ആണെന്നുമാണ് ദൃക്‌സാക്ഷികൾ പറയുന്നത്. ഇവരുടെ പേരിൽ മോഷണം, പിടിച്ചുപറി, തട്ടിക്കൊണ്ടു പോകൽ, കഞ്ചാവ് വിൽപ്പന തുടങ്ങിയ നിരവധി കേസുകൾ പത്തനംതിട്ട, അടൂർ, പന്തളം, കൊടുമൺ തുടങ്ങിയ സ്റ്റേഷനുകളിൽ ഉള്ളതായി നാട്ടുകാർ പറഞ്ഞു.