പ്രതീകാത്മക ചിത്രം
മഹാരാഷ്ട്രയിലുടനീളം എൻഡിഎ തരംഗം. തദ്ദേശ പഞ്ചായത്ത് തെരഞ്ഞെടുപ്പിലെ 2,359 സീറ്റുകളിൽ ഫലം പുറത്ത് വന്നതിൽ 1,350 എണ്ണവും ബിജെപി,ശിവസേന, എൻസിപിയുടെ അജിത് പവാർ വിഭാഗം എന്നിവരുൾപ്പെട്ട എൻഡിഎ സഖ്യം സ്വന്തമാക്കി. 74% പോളിങ് ആണ് തെരഞ്ഞെടുപ്പിൽ രേഖപ്പെടുത്തിയത്.
എൻഡിഎ മുന്നണിയുടെ പടയോട്ടത്തിൽ മറുഭാഗത്ത് കോൺഗ്രസും ശരദ് പവാറിന്റെ എൻസിപിയും താക്കറേയുടെ ശിവസേനയും ഉൾപ്പെട്ട മഹാ വികാസ് അഘാഡി മുന്നണിക്ക് കാൽ വഴുതി. ഇത്തവണ കോൺഗ്രസിന് 207 സീറ്റുകൾ മാത്രമാണ്‌ നേടാനായത്. തെരഞ്ഞെടുപ്പിൽ ലഭിച്ച സീറ്റുകളുടെ എണ്ണത്തിൽ അഞ്ചാം സ്ഥാനത്തേക്ക് പാർട്ടി മൂക്കും കുത്തി വീഴുകയും ചെയ്തു. പവാറിന്റെ പാർട്ടി പിളർത്തി പുറത്ത് പോയ എൻസിപി അജിത് പവാർ വിഭാഗം സീറ്റുകളുടെ എണ്ണത്തിൽ ബിജെപിക്കു പിന്നിൽ രണ്ടാമതെത്തി.
ശരദ് പവാറിന്റെ ശക്തി കേന്ദ്രമായ ബാരാമതിയിൽ പോലും പാർട്ടി തകർന്നടിഞ്ഞു.ഇവിടെയും കൂടുതൽ സീറ്റുകൾ അജിത് വിഭാഗത്തിന് ലഭിച്ചു. കഠേവാഡിയിൽ 16ൽ 14 സീറ്റിലും അജിത് വിഭാഗം വിജയിച്ചു. എൻസിപി ശരദ് പവാർ വിഭാഗം എംപി സുപ്രിയ സുലെയ്‌ക്കെതിരെ ലോക്‌സഭാ തിരഞ്ഞെടുപ്പിൽ ബാരാമതിയിൽ നിന്ന് സ്ഥാനാർത്ഥിയെ നിർത്തിയേക്കുമെന്ന് അജിത് വിഭാഗം സൂചന നൽകുന്നതിനാൽ ബാരാമതിയിലെ ഫലങ്ങൾ നിർണ്ണായകമാണ്‌.
വെറും 178 ഗ്രാമങ്ങളിൽ മാത്രമാണ്‌ ശരദ് പവാറിന്റെ പാർട്ടിക്ക് ജയിക്കാനായത്. അതെ സമയം അജിത് പവാർ വിഭാഗം 412 ഗ്രാമപഞ്ചായത്തുകളിൽ വിജയിച്ചു. 743 ഗ്രാമപഞ്ചായത്തുകളിൽ ബിജെപി വിജയിച്ചപ്പോൾ മുഖ്യമന്ത്രി ഏകനാഥ് ഷിൻഡെയുടെ നേതൃത്വത്തിലുള്ള ശിവസേന 263 പഞ്ചായത്തുകളിൽ വിജയിച്ചു. അടുത്തിടെ മഹാരാഷ്ട്ര രാഷ്ട്രീയത്തിൽ പ്രവേശിച്ച തെലങ്കാന മുഖ്യമന്ത്രി കെ ചന്ദ്രശേഖർ റാവുവിന്റെ നേതൃത്വത്തിലുള്ള ബിആർഎസ് 53 ഗ്രാമപഞ്ചായത്തുകളിൽ വിജയിച്ച് ഗംഭീരമായ അരങ്ങേറ്റം നടത്തി. ശിവസേനയുടെ ഷിൻഡെ ഗ്രൂപ്പ് 263 സീറ്റുകൾ നേടി.
ജനങ്ങളുടെ വിശ്വാസത്തിന് മുഖ്യമന്ത്രി ഏകനാഥ് ഷിൻഡെയുടെ മകൻ ശ്രീകാന്ത് ഷിൻഡെ നന്ദി പറഞ്ഞു, വിജയം പൊതുജനങ്ങളുടെ വിശ്വാസത്തിന്റെ ഫലമാണെന്ന് ഊന്നിപ്പറഞ്ഞു. ജനപിന്തുണ നേടിയ സർക്കാർ നടപ്പാക്കുന്ന ക്ഷേമപദ്ധതികൾ അദ്ദേഹം എടുത്തുപറഞ്ഞു.
പട്ടാമ്പിയിൽ ആൺസുഹൃത്തിനെതിരെ ക്വട്ടേഷൻ ആക്രമണം ആസൂത്രണം ചെയ്തെന്ന കേസിൽ പ്രതിസ്ഥാനത്തുള്ള പെൺകുട്ടികളുടെ പങ്കാണ് ഇപ്പോൾ ചർച്ചയാകുന്നത്. ആൺസുഹൃത്തിന്റെ അമിത നിയന്ത്രണവും…
വൈദ്യുതി വാങ്ങൽ തീരുമാനങ്ങളെച്ചൊല്ലി സർക്കാരിനുള്ളിൽ ഉയർന്ന ഭിന്നത ഭരണതലത്തിലെ ഏകോപനക്കുറവിലേക്കും രാഷ്ട്രീയ പ്രതിസന്ധിയിലേക്കും നീങ്ങുന്നതിനിടെയാണ് നിർണായക ഇടപെടലുണ്ടായത്. ജി.എൻ.എയുമായുള്ള വൈദ്യുതി…
ആഗോളതലത്തിൽ ഭാരതത്തിലേക്കുള്ള വിനോദസഞ്ചാരം, വ്യാപാരം, ചികിത്സ, ഉന്നതവിദ്യാഭ്യാസം എന്നിവയെ പ്രോത്സാഹിപ്പിക്കുന്നതിനായി കേന്ദ്ര ആഭ്യന്തര മന്ത്രാലയം വിസ നടപടിക്രമങ്ങളിൽ വിപ്ലവകരമായ പരിഷ്കാരങ്ങൾ…
കേരളത്തിന്റെ സാംസ്കാരിക ചരിത്രത്തിൽ സമാനതകളില്ലാത്ത സാമൂഹിക മാറ്റത്തിന് വഴിതുറന്ന ചരിത്രപ്രസിദ്ധമായ ക്ഷേത്രപ്രവേശന വിളംബരത്തിന് ഇന്ന് തൊണ്ണൂറ്റാണ്ട് തികയുന്നു. ജാതിവ്യവസ്ഥയുടെയും അടിയുറച്ച…
പ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ ദീപാവലി പൊങ്കാല ഭക്തിനിർഭരമായി നടത്തുന്നതിനുള്ള മുന്നൊരുക്കങ്ങൾ ചർച്ച ചെയ്യുന്നതിനായുള്ള അവലോകന യോഗം നാളെ നടക്കും.…
ഉത്തർപ്രദേശിലെ ബാഗ്പത് ജില്ലയിൽ ദീപാവലി ആഘോഷത്തിനിടെ പടക്കം പൊട്ടിച്ചതിനെച്ചൊല്ലിയുണ്ടായ തർക്കം വെടിവെപ്പിൽ കലാശിച്ചു. രാഷ്ട്രപതിയുടെ അംഗരക്ഷക സംഘമായ പ്രസിഡന്റ്സ് ബോഡിഗാർഡിൽ…