ലണ്ടന്: കോവിഡ് ഡെൽറ്റ വകഭേദത്തിനു ശേഷം കൊറോണ വൈറസിന്റെ പുതിയ വകഭേദമായ ലാംബ്ഡയെ കണ്ടത്തിയതായി ഇംഗ്ലണ്ടിലെ പൊതുജനാരോഗ്യ വകുപ്പ് (പിഎച്ച്ഇ) അറിയിച്ചു. ഫെബ്രുവരി 23 മുതല് ജൂണ് 7 വരെ രാജ്യത്താകെ ആറ് ലാംബ്ഡ കേസുകള് കണ്ടെത്തിയിട്ടുണ്ടെന്ന് പിഎച്ച്ഇ വ്യക്തമാക്കി. വിദേശ യാത്രകളുമായി ബന്ധപ്പെട്ടാണ് ഈ കേസുകളെല്ലാം റിപ്പോര്ട്ട് ചെയ്തിരിക്കുന്നത് എന്നാണ് പുറത്ത് വരുന്ന റിപ്പോർട്ടുകൾ.
ഉയര്ന്ന താപനില, കടുത്ത ചുമ, മണവും രുചിയും നഷ്ടപ്പെടുക തുടങ്ങിയവയാണ് ലക്ഷണങ്ങളെന്നും രോഗം ബാധിച്ച മിക്ക ആളുകള്ക്കും ഇതിലൊരു ലക്ഷണം ഉണ്ടാകാന് സാധ്യതയുണ്ടെന്നും എന്.എസ്.എച്ച് അറിയിച്ചു.
കൊറോണ വൈറസിന്റെ വിവിധ വകഭേദങ്ങള്ക്ക് ലോകാരോഗ്യ സംഘടന ഗ്രീക്ക് അക്ഷരങ്ങളുടെ പേരാണ് നല്കിയിരിക്കുന്നത്. ഗ്രീക്ക് ഭാഷയിലെ ആദ്യ നാല് അക്ഷരങ്ങളായ ആല്ഫ, ബീറ്റ, ഗാമ, ഡെല്റ്റ എന്നിവയാണ് വൈറസുകള്ക്ക് നല്കിയത്. ദക്ഷിണ അമേരിക്കയില് കണ്ടെത്തിയ പുതിയ വകഭേദത്തിന് ലാംബ്ഡ എന്നാണ് പേര് നല്കിയിരിക്കുന്നത്.
ആദ്യമായി പെറുവില് റിപ്പോര്ട്ടു ചെയ്ത ലാംബ്ഡ ഇതിനകം 26 രാജ്യങ്ങളില് സാന്നിധ്യമറിയിച്ചിട്ടുണ്ട്. ചിലി, പെറു, ഇക്വഡോര്, അര്ജന്റീന തുടങ്ങിയ തെക്കേ അമേരിക്കന് രാജ്യങ്ങളിലെ ശാസ്ത്രജ്ഞരാണ് ഈ വകഭേദം കണ്ടെത്തിയത്. സ്പൈക്ക് പ്രോട്ടീനില് ലാംബ്ഡ വകഭേദം ഒന്നിലധികം മ്യൂട്ടേഷനുകള് കാണിക്കുന്നുവെന്നാണ് വിദഗ്ദ്ധര് പറയുന്നുണ്ട്.
എന്തായാലും ലാംബ്ഡയുടെ രോഗവ്യാപന ശേഷിയെപ്പറ്റി ശാസ്ത്രസമൂഹം പഠിക്കുന്നതേയുള്ളൂ. ലാംബ്ഡ വകഭേദം കൂടുതല് കഠിനമായ രോഗത്തിന് കാരണമാകുമെന്നോ വാക്സിനുകള് ഫലപ്രദമല്ലാതാകുമെന്നോ നിലവില് തെളിവുകളില്ല. ആശുപത്രിയില് പ്രവേശനം തടയുന്നതിനും കടുത്ത രോഗത്തില് നിന്ന് സംരക്ഷണം നല്കുന്നതിന് രണ്ട് ഡോസ് വാക്സിന് ഫലപ്രദമാണെന്നും പിഎച്ച്ഇ വിലയിരുത്തി.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
