വീണ്ടും നോട്ട് നിരോധനം? ; 100, 10, 5 രൂപ നോട്ടുകള്‍ പിന്‍വലിക്കുമോ?

മുംബൈ: രാജ്യത്ത് നിലവില്‍ വിപണിയില്‍ ലഭ്യമായ പഴയ കറന്‍സി നോട്ടുകള്‍ പിന്‍വലിക്കുമെന്ന റിപ്പോര്‍ട്ടുകള്‍ നിഷേധിച്ച്‌ റിസര്‍വ്വ് ബാങ്ക്. പ്രചരിക്കുന്ന വാർത്തകൾ വാസ്തവ വിരുദ്ധമാണെന്ന് റിസര്‍വ്വ് ബാങ്ക് ഔദ്യോഗിക ട്വിറ്റര്‍ അക്കൗണ്ടിലൂടെ വ്യക്തമാക്കി.

2,000 രൂപ നോട്ടുകളുമായി ബന്ധപ്പെട്ടും നിരവധി വ്യാജവാര്‍ത്തകള്‍ അടുത്തിടെ പുറത്ത് വന്നിരുന്നു. 2,000 രൂപ നോട്ടുകള്‍ നിരോധിയ്ക്കും എന്ന നിലയിലാണ് വ്യാജ വാര്‍ത്തകള്‍ പ്രചരിച്ചത്. ഇതിനു പിന്നാലെയാണ് അടുത്ത നോട്ട നിരോധനം ഉടന്‍ എന്ന നിലയില്‍ വ്യാജ റിപ്പോര്‍ട്ടുകള്‍ പുറത്ത് വരുന്നത്.

റിപ്പോര്‍ട്ടുകള്‍ തെറ്റാണെന്ന് കേന്ദ്ര സര്‍ക്കാരും വ്യക്തമാക്കിയിരുന്നു. സര്‍ക്കാര്‍ പ്രഖ്യാപിച്ചെന്ന രീതിയില്‍ പ്രചരിച്ചതിന് പിന്നാലെയാണ് പിഐബി ഫാക്‌ട് ചെക്ക് വിശദീകരണവുമായി എത്തിയത്. 2016 നവംബര്‍ എട്ടിലെ നോട്ട് നിരോധനത്തിന് ശേഷം 2,000 രൂപയുടെ കറന്‍സി നോട്ടിനു പുറമെ റിസര്‍വ് ബാങ്ക് 200 രൂപ നോട്ട് പുറത്തിറക്കിയിരുന്നു.