ഉ​ത്ത​ര​കൊ​റി​യ വീ​ണ്ടും അണുവായുധ പ​രീ​ക്ഷ​ണം ന​ട​ത്തിയതായി ദക്ഷിണ ​കൊ​റി​യ​

പ്യോം​ഗ്യാം​ഗ്: ഉ​ത്ത​ര​കൊ​റി​യ വീ​ണ്ടും അണുവായുധ പ​രീ​ക്ഷ​ണം ന​ട​ത്തി​യെ​ന്ന് ആ​രോ​പ​ണ​വു​മാ​യി ദ​ക്ഷി​ണ കൊ​റി​യ. ഹ്ര​സ്വ​ദൂ​ര മി​സൈ​ലു​ക​ളാ​ണ് കിം ​ജോം​ഗ് ഉ​ന്നും സം​ഘ​വും പ​രീ​ക്ഷി​ച്ച​തെ​ന്നാ​ണ് ദക്ഷിണ ​കൊ​റി​യ​യുടെ ആ​രോ​പ​ണം.​ ദക്ഷിണ ​കൊ​റി​യ​ന്‍ സൈ​നി​ക വി​ഭാ​ഗ​ങ്ങ​ളു​ടെ ത​ല​വ​ന്മാ​രാ​ണ് സം​യു​ക്ത പ്ര​സ്ഥാ​വ​ന​യി​ലൂ​ടെ ആ​രോ​പ​ണ​മു​ന്ന​യി​ച്ച​ത്.

രാ​ജ്യ​ത്തി​ന്‍റെ കി​ഴ​ക്ക​ന്‍ പ്ര​ദേ​ശ​മാ​യ ഹോ​ഡോ മേ​ഖ​ല​യി​ല്‍ നി​ന്നാ​ണ് മി​സൈ​ലു​ക​ള്‍ പ​രീ​ക്ഷി​ച്ച​തെ​ന്നാ​ണ് സൂ​ച​ന. ഹോ​ഡോ പ്ര​ദേ​ശ​ത്തു നി​ന്ന് ഇ​തി​ന് മു​ന്‍​പും ഹ്ര​സ്വ-​ദീ​ര്‍​ഘ ദീ​ര മി​സൈ​ലു​ക​ള്‍ ഉ​ത്ത​ര​കൊ​റി​യ പ​രീ​ക്ഷി​ച്ചി​ട്ടു​ണ്ട്. അ​മേ​രി​ക്ക​ന്‍ പ്ര​സി​ഡ​ന്‍റ് ഡോണാ​ള്‍​ഡ് ട്രം​പും ഉ​ത്ത​ര​കൊ​റി​യ​ന്‍ ഭ​ര​ണാ​ധി​കാ​രി കിം ​ജോം​ഗ് ഉ​ന്നും ത​മ്മി​ല്‍ കൂ​ടി​ക്കാ​ഴ്ച ന​ട​ത്തി​യ ശേ​ഷ​മു​ള്ള ആ​ദ്യ മി​സൈ​ല്‍ പ​രീ​ക്ഷ​ണ​മാ​ണ് ഇ​തെ​ന്നാ​ണ് വി​വ​രം. ഇ​രു നേ​താ​ക്ക​ളും ത​മ്മി​ലു​ള്ള കൂ​ടി​ക്കാ​ഴ്ച ഫ​ലം​കാ​ണാ​തെ​പോ​യി​രു​ന്നു.

70 മു​ത​ല്‍ 200 കി​ലോ​മീ​റ്റ​ര്‍ വ​രെ ദൂ​ര​പ​രി​ധി​യു​ള്ള മി​സൈ​ലു​ക​ളാ​ണ് പ​രീ​ക്ഷി​ച്ച​തെ​ന്നും ഉ​ത്ത​ര​കൊ​റി​യ​ന്‍ സൈ​നി​ക മേ​ധാ​വി​മാ​ര്‍ പ​റ​ഞ്ഞു. ഇ​നി മു​ത​ല്‍ ഭൂ​ഖ​ണ്ഡാ​ന്ത​ര മി​സൈ​ലു​ക​ള്‍ പ​രീ​ക്ഷി​ക്കി​ല്ലെ​ന്ന് കിം ​ജോം​ഗ് ഉ​ന്‍ വ്യ​ക്ത​മാ​ക്കി​യി​രു​ന്നു. എ​ന്നാ​ല്‍ അ​തി​നു ശേ​ഷ​വും ഉ​ത്ത​ര​കൊ​റി​യ അണുവാ​യു​ധ പ​രീ​ക്ഷ​ണ​ങ്ങ​ള്‍ ന​ട​ത്തി​യി​രു​ന്നു​വെ​ന്ന് വാ​ര്‍​ത്ത​ക​ള്‍ പു​റ​ത്ത് വ​ന്നു. ഉ​ത്ത​ര​കൊ​റി​യ​യു​ടെ പ്ര​ധാ​ന ആ​ണ​വാ​യു​ധ പ​രീ​ക്ഷ​ണ മേ​ഖ​ല​യു​ടെ സാ​റ്റ​ലൈ​റ്റ് ചി​ത്ര​ങ്ങ​ളി​ല്‍ നി​ന്നാ​യി​രു​ന്നു ഇ​ക്കാ​ര്യം വ്യ​ക്ത​മാ​യി​രു​ന്ന​ത്.