ഇന്ന് സ്മിത് മച്ചാറാണ് ഹീറോയെങ്കില്‍ വര്‍ഷങ്ങള്‍ക്ക് മുന്‍പ് നീര്‍ജ ഭാനോട്ട്.
വിമാന ഹൈജാക്കിംഗിനിടയില്‍ യാത്രക്കാരെ രക്ഷിക്കാന്‍ ശ്രമിക്കവെയാണ് നീര്‍ജ ഭാനോട്ട് ജീവന് വെടിഞ്ഞത്. എന്നാല്‍, താന്‍ പൈലറ്റായിരുന്ന വിമാനത്തെ രക്ഷിക്കാന്‍ ശ്രമിക്കവെയാണ് സ്മിത് മച്ചാര്‍ മാതൃകാപരമായ ധീരത പ്രകടിപ്പിച്ചത്. ബുധനാഴ്ച flydubai ഫ്‌ലൈറ്റ് FZ1073-ന്റെ പൈലറ്റായിരിക്കെ സ്മിത് മച്ചാര്‍ അഭൂതപൂര്‍വ്വമായ ഒരു പ്രതിസന്ധിയെയാണ് നേരിട്ടത്. 174 യാത്രക്കാരുമായി സഞ്ചരിച്ച ആ വിമാനത്തിനുള്ളില്‍ വെച്ച് സഹപൈലറ്റുമായി ഉണ്ടായ അക്രമാസക്തമായ തര്‍ക്കത്തെ തുടര്‍ന്ന് വലിയൊരു അപകടം ഒഴിവാകുകയായിരുന്നു. വിമാനം സൗദി അറേബ്യയില്‍ ഇറക്കിയ ശേഷം പരിക്കേറ്റ മച്ചാര്‍ ആശുപത്രിയില്‍ ചികിത്സ തേടി. നാല് പതിറ്റാണ്ടുകള്‍ക്ക് മുമ്പ് നീര്‍ജ ഭാനോട്ടിന് ആ ഭാഗ്യം ലഭിച്ചില്ല. രണ്ടുപേരും വിമാനത്തിനുള്ളില്‍ വച്ച് വലിയ അപകടങ്ങളെയാണ് നേരിട്ടത്, ഇരുവരും തങ്ങളുടെ ജീവനേക്കാള്‍ യാത്രക്കാരുടെ ജീവന് മുന്‍ഗണന നല്‍കി.
1986 സെപ്റ്റംബര്‍ 5-ന്, മുംബൈയില്‍ നിന്ന് ഫ്രാങ്ക്ഫര്‍ട്ട് വഴി ന്യൂയോര്‍ക്കിലേക്ക് പോവുകയായിരുന്ന പാന്‍ ആം ഫ്‌ലൈറ്റ് 73 കറാച്ചിയില്‍ എത്തിയപ്പോള്‍, സീനിയര്‍ ഫ്‌ലൈറ്റ് പര്‍സറായിരുന്നു നീര്‍ജ ഭാനോട്ട്. നാല് സായുധരായ ആളുകള്‍ ബോയിംഗ് 747 വിമാനം ഹൈജാക്ക് ചെയ്തു. ഇത് നൂറുകണക്കിന് യാത്രക്കാരും ജീവനക്കാരുമായി 17 മണിക്കൂര്‍ നീണ്ടുനിന്ന ഭീകരാവസ്ഥയ്ക്ക് കാരണമായി. എന്താണ് സംഭവിക്കുന്നതെന്ന് ആദ്യം മനസ്സിലാക്കിയവരില്‍ ഒരാളായിരുന്നു ഭാനോട്ട്. ഹൈജാക്ക് കോഡ് ഉപയോഗിച്ച് അവര്‍ കോക്ക്പിറ്റ് ജീവനക്കാരെ വിവരം അറിയിച്ചു. ഇത് പൈലറ്റുമാര്‍ക്ക് കോക്ക്പിറ്റ് ഹാച്ചിലൂടെ രക്ഷപ്പെടാന്‍ സഹായകമായി.
തീവ്രവാദികളുടെ പ്രധാന ലക്ഷ്യം അമേരിക്കന്‍ പൗരന്മാരായിരുന്നു. ഇത് മനസ്സിലാക്കിയ നീര്‍ജ, വിമാനത്തിലുണ്ടായിരുന്ന യാത്രക്കാരുടെ പാസ്പോര്‍ട്ടുകള്‍, പ്രത്യേകിച്ച് അമേരിക്കക്കാരുടേത്, സീറ്റുകള്‍ക്കടിയിലും വേസ്റ്റ് ബിന്നിലുമായി ഒളിപ്പിച്ചു വെച്ചു. 17 മണിക്കൂറോളം നീണ്ട ഭീതിദമായ സാഹചര്യത്തിനൊടുവില്‍ ഭീകരര്‍ വിമാനത്തിനുള്ളില്‍ വെടിയുതിര്‍ക്കാന്‍ തുടങ്ങി. ഈ സമയത്ത് അടിയന്തിര വാതില്‍ തുറന്ന് യാത്രക്കാരെ പുറത്തേക്ക് കടക്കാന്‍ നീര്‍ജ സഹായിച്ചു. മൂന്ന് കുട്ടികള്‍ക്ക് നേരെ ഭീകരര്‍ വെടിയുതിര്‍ത്തപ്പോള്‍, അവര്‍ക്ക് മുന്നില്‍ സ്വന്തം ശരീരം കവചമാക്കി നില്‍ക്കവേയാണ് നീര്‍ജയ്ക്ക് വെടിയേറ്റത്. സ്വന്തം നില്‍ക്കവേയാണ് നീര്‍ജയ്ക്ക് വെടിയേറ്റത്. സ്വന്തം ജീവന് നഷ്ടപ്പെടുമ്പോഴും 350-ലധികം യാത്രക്കാരുടെ ജീവന് രക്ഷിക്കാന്‍ നീര്‍ജയ്ക്കായി.
അവരുടെ 23-ാം ജന്മദിനത്തിന് രണ്ട് ദിവസങ്ങള്‍ മാത്രം ബാക്കിയുള്ളപ്പോഴാണ് നീര്‍ജ കൊല്ലപ്പെടുന്നത്. ഭാരത സര്‍ക്കാര്‍ അശോകചക്രം നല്‍കി ആദരിച്ചതിന് പുറമെ പാകിസ്താന്‍, അമേരിക്കന്‍ സര്‍ക്കാരുകളും അവരെ മരണാനന്തര ബഹുമതികള്‍ നല്‍കി ആദരിച്ചിട്ടുണ്ട്. 2016-ല്‍ ഇവരുടെ ധീരത നിറഞ്ഞ ജീവിതകഥ ആസ്പദമാക്കി ബോളിവുഡില്‍ സോനം കപൂര്‍ കേന്ദ്രകഥാപാത്രത്തെ അവതരിപ്പിച്ച ‘നീര്‍ജ’ (Neerja) എന്ന സൂപ്പര്‍ഹിറ്റ് ചലച്ചിത്രവും പുറത്തിറങ്ങിയിട്ടുണ്ട്
നവരാത്രിയുടെ മൂന്നാം നാളില്‍ രാജ്യത്തിന് ആശംസകള്‍ നേര്‍ന്ന് പ്രധാനമന്ത്രി നരേന്ദ്ര മോദി. ഇത്തവണ നവരാത്രി ആശംസയോടൊപ്പം ഒരു മലയാള സിനിമയിലെ…
ദില്ലി പ്രതിഷേധം റിപ്പോര്‍ട്ട് ചെയ്യുകയായിരുന്ന മൂന്ന് മാസം ഗര്‍ഭിണിയായ മാധ്യമപ്രവര്‍ത്തകയെ കോണ്‍ഗ്രസ് നേതാവ് രാഹുല്‍ ഗാന്ധി കയ്യേറ്റം ചെയ്തതായി ബി.ജെ.പി…
ഇന്ത്യയില്‍, പ്രത്യേകിച്ച് പശ്ചിമ ബംഗാളില്‍ ഏറ്റവും ആഘോഷിക്കപ്പെടുന്ന പ്രധാന ഉത്സവങ്ങളിലൊന്നാണ് ദുര്‍ഗ്ഗാ പൂജ. മനോഹരമായി അലങ്കരിച്ച പന്തലുകള്‍, പരമ്പരാഗത ചടങ്ങുകള്‍,…
ബ്ലൂംബെര്‍ഗ് ന്യൂ ഇക്കണോമി ഫോറത്തെ അഭിസംബോധന ചെയ്ത് സംസാരിക്കവെ, ഭാരതം 'ജനാധിപത്യത്തിന്റെ മാതാവാണെന്ന്' വിശേഷിപ്പിച്ച് പ്രധാനമന്ത്രി നരേന്ദ്ര മോദി, പരമ്പരാഗതമായ…
സിക്കിം ഗവര്‍ണര്‍ ഓം പ്രകാശ് മാഥൂറിനെ കേരള ഗവര്‍ണറായി രാഷ്ട്രപതി ദ്രൗപദി മുര്‍മു നിയമിച്ചു. നിലവിലെ കേരള ഗവര്‍ണര്‍ രാജേന്ദ്ര…
ജമ്മു കശ്മീരിലെ പൂഞ്ച് ജില്ലയിലെ കൃഷ്ണ ഘാട്ടി (കെ.ജി) സെക്ടറിലെ നിയന്ത്രണരേഖ വഴി ഇന്ത്യയിലേക്ക് നുഴഞ്ഞുകയറാന്‍ ശ്രമിക്കുന്നതിനിടയിലാണ് ഇംപ്രൊവൈസ്ഡ് എക്‌സ്‌പ്ലോസീവ്…