റഷ്യ നടത്തുന്നത് പാശ്ചാത്യലോകവുമായുള്ള വിശുദ്ധ യുദ്ധമെന്ന് ഉ​ത്ത​ര​കൊ​റി​യ​ൻ ഭ​ര​ണാ​ധി​കാ​രി കിം ​ജോ​ങ് ഉ​ൻ; റഷ്യൻ പ്രസിഡന്റ് വ്ളാഡിമിർ പുട്ടിനുമായുള്ള കൂടി കാഴ്ച നടന്നതായി റിപ്പോർട്ട്; യുക്രെയ്‌നുമായുള്ള യുദ്ധത്തിന് റഷ്യക്ക് ആയുധങ്ങൾ നൽകിയാൽ, ഉത്തര കൊറിയ പകരം ചോദിക്കുന്നത് ഇവയൊക്കെ ! തലയിൽ കൈവച്ച് ലോകം

മോസ്കോ: പാശ്ചാത്യലോകവുമായി വിശുദ്ധ യുദ്ധമാണ് റഷ്യ നടത്തുന്നതെന്നാഭിപ്രായപ്പെട്ട് ഉത്തരകൊറിയൻ ഏകാധിപതി കിം ജോങ് ഉൻ. റഷ്യൻ പ്രസിഡന്റ് വ്ളാഡിമിർ പുട്ടിനുമായുള്ള കൂടി കാഴ്ചയിലാണ് കിം ജോങ് ഉൻ ഇക്കാര്യം വ്യക്തമാക്കിയത്. ഉഭയകക്ഷി ചർ​ച്ചകൾക്കായി കിം ​ജോ​ങ് ഉ​ൻ കഴിഞ്ഞ ദിവസമാണ് റ​ഷ്യ​യി​ൽ എ​ത്തിയത്. വൊ​സ്റ്റോ​ച്ച്നി ബ​ഹി​രാ​കാ​ശ കേ​ന്ദ്ര​ത്തി​ൽ വെ​ച്ചാ​യിരുന്നു കൂടിക്കാഴ്ച എന്നാണ് ലഭിക്കുന്ന വിവരം

“സാമ്രാജ്യത്വത്തിനെതിരെ റഷ്യയും ഉത്തരകൊറിയയും ഒരുമിച്ച് പോരാടും. തങ്ങളുടെ പരമാധികാരവും സുരക്ഷയും ഉറപ്പാക്കുന്നതിനായാണ് റഷ്യയുടെ പോരാട്ടം. റഷ്യൻ പ്രസിഡന്റ് പുട്ടിന്റെ തീരുമാനങ്ങളെ ഞങ്ങൾ എപ്പോഴും പിന്തുണക്കും” – കിം ​ജോ​ങ് ഉ​ൻ വ്യക്തമാക്കി.

വിമാനത്തെ ഒഴിവാക്കി സ്വന്തം ആഡംബര കവചിത ട്രെയിനിലാണ് കിം റഷ്യയിലെത്തിയത്. നാലു വർഷത്തിനുശേഷമാണ് പുട്ടിൻ -കിം ജോങ് ഉൻ കൂടിക്കാഴ്ച നടക്കുന്നത്. റഷ്യൻ അതിർത്തിയായ ഖസാനിൽ സ്വാഗത പരിപാടികൾ നടന്നതായി ജപ്പാൻ മാദ്ധ്യമമായ ജെഎൻഎൻ റിപ്പോർട്ട് ചെയ്തു.വിദേശകാര്യ മന്ത്രി, മുതിർന്ന സൈനിക ഉദ്യോഗസ്ഥർ, ആയുധ വിഭാഗത്തിലെ മുതിർന്ന നേതാക്കൾ തുടങ്ങിയവർ കൂടിക്കാഴ്ചയിൽ ഒപ്പമുണ്ടായിരുന്നു.

കിം ​ജോ​ങ് ഉൻ ഈ ​മാ​സം അവസാന വാരത്തോടെ റ​ഷ്യ സ​ന്ദ​ർ​ശി​ച്ച് പ്ര​സി​ഡ​ന്റ് വ്‌ളാഡിമിർ പു​ട്ടിനു​മാ​യി ഉഭയകക്ഷി ചർ​ച്ചകൾ ന​ട​ത്തു​മെ​ന്ന് റി​പ്പോ​ർ​ട്ട് അമേരിക്കയാണ് ആദ്യം പുറത്ത് വിട്ടത്.യുക്രെയ്നുമായുള്ള യുദ്ധ​ത്തി​ൽ റ​ഷ്യ​ക്ക് ആ​യു​ധ സ​ഹാ​യം ന​ൽ​കു​ന്ന​തു​ സം​ബ​ന്ധി​ച്ച് ഇരു നേതാക്കളും നടത്തുന്ന സുപ്രധാന ചർച്ചകളും ഇതിലുൾപ്പെടുമെന്നും അമേരിക്ക പുറത്ത് വിട്ട റിപ്പോർട്ടിലുണ്ടായിരുന്നു

നേരത്തെ റ​ഷ്യ​ൻ പ്ര​തി​രോ​ധ മ​ന്ത്രി സെ​ർ​ജി ഷൊ​യ്ഗു ന​ട​ത്തി​യ ഉ​ത്ത​ര കൊ​റി​യ​ൻ സ​ന്ദ​ർ​ശ​ന​ത്തി​നി​ടെ റ​ഷ്യ​ക്ക് ആ​യു​ധം വി​ൽ​ക്കു​ന്ന​ത് സം​ബ​ന്ധി​ച്ച് ച​ർ​ച്ച ന​ട​ത്തി​യ​താ​യി അമേരിക്കൻ ദേ​ശീ​യ സുരക്ഷാ കൗ​ൺ​സി​ൽ ഉപ​ദേ​ഷ്ടാ​വ് ജോ​ൺ കി​ർ​ബി ആരോപിച്ചിരുന്നു.

ഹ്വാ​സോ​ങ് ഭൂ​ഖ​ണ്ഡാ​ന്ത​ര ബാ​ലി​സ്റ്റി​ക് മി​സൈ​ൽ ഉ​ൾ​പ്പെ​ടെ​യു​ള്ള പല മാരക ആ​യു​ധ​ങ്ങ​ളും റ​ഷ്യ​ൻ പ്ര​തി​രോ​ധ മ​ന്ത്രിയുടെ സ​ന്ദ​ർ​ശ​ന വേ​ള​യി​ൽ ഉത്തരകൊറിയ പ്ര​ദ​ർ​ശി​പ്പി​ച്ചി​രു​ന്നു. കോ​വി​ഡ് കാലഘട്ടത്തിന് ശേഷം ഉ​ത്ത​ര കൊ​റി​യയിൽ എത്തിയ ആദ്യ വി​ദേ​ശ അ​തി​ഥിയായിരുന്നു സെ​ർ​ജി ഷൊ​യ്ഗു. സന്ദർശന വേളയിൽ ഉ​ഭ​യ​ക​ക്ഷി ബന്ധം ശ​ക്തി​പ്പെ​ടു​ത്തു​ന്ന​തു സം​ബ​ന്ധി​ച്ച പു​ട്ടി​ന്റെ​യും കി​മ്മി​​ന്റെ​യും ക​ത്തു​ക​ൾ കൂ​ടി​ക്കാ​ഴ്ച​ക്കി​ടെ കൈ​മാ​റു​ക​യും ചെ​യ്തു.

ആ​യു​ധ​ങ്ങ​ൾ ന​ൽ​കു​ന്ന​തി​ന് പ​ക​ര​മാ​യി റ​ഷ്യ​ എന്താകും ഉ​ത്ത​ര കൊ​റി​യ​ക്ക് പ്രതിഫലമായി നൽകുകയെന്ന ആശങ്കയിലാണ് അ​മേ​രി​ക്ക​യും ഉത്തര കൊറിയയുടെ ബദ്ധ വൈരികളായ ദ​ക്ഷി​ണ കൊ​റി​യ​യും. അ​മേ​രി​ക്ക​യും ദ​ക്ഷി​ണ കൊ​റി​യ​യും ജ​പ്പാ​നും ന​ട​ത്തി​യ​തി​ന് സ​മാ​ന​മാ​യി റ​ഷ്യ​യും ചൈ​ന​യും ഉ​ത്ത​ര കൊ​റി​യ​യും സം​യു​ക്ത സൈ​നി​ക പ​രി​ശീ​ല​നം നടത്തണ​മെ​ന്ന നി​ർ​ദേ​ശം റ​ഷ്യ​ൻ പ്ര​തി​രോ​ധ മ​ന്ത്രി മു​ന്നോ​ട്ടു​വെ​ച്ച​താ​യി ദ​ക്ഷി​ണ കൊ​റി​യ​യു​ടെ ഇന്റലിജൻസ് ഏജൻസി റിപ്പോർട്ട് ചെയ്തിരുന്നു. നേരത്തെയും റഷ്യ- യുക്രെയ്ൻ യുദ്ധമുഖത്ത് ഉത്തര കൊറിയൻ ആയുധങ്ങളുടെ സാന്നിദ്ധ്യം നേരത്തെയും സ്ഥിരീകരിച്ചിട്ടുണ്ട്. ആയുധങ്ങൾ വികസിപ്പിക്കുന്നതിലുള്ള അന്താരാഷ്ട്ര സുരക്ഷാ മാനദണ്ഡങ്ങൾ പാലിക്കാത്ത ഉത്തരകൊറിയ അതീവ വിനാശകാരികളായ ആയുധങ്ങൾ റഷ്യക്ക് കൈമാറുമോ എന്ന ഭയത്തിലാണ് ലോകം. പ്ര​ത്യു​പ​കാ​ര​മാ​യി ഭ​ക്ഷ്യ​സ​ഹാ​യ​വും ത​ങ്ങ​ളു​ടെ ആ​ണ​വ, മി​സൈ​ൽ പ​ദ്ധ​തി​ക്കാ​വ​ശ്യ​മാ​യ സാങ്കേതി​ക വി​ദ്യ​യു​മാ​ണ് ഉ​ത്ത​ര കൊ​റി​യ ആ​വ​ശ്യ​പ്പെ​ടു​ന്ന​തെ​ന്നാണ് ലഭിക്കുന്ന ഏറ്റവും പുതിയ റിപ്പോർട്ട്