മലയാള സിനിമാ മേഖലയിൽ സ്ത്രീകൾ അഭിമുഖീകരിക്കുന്ന പ്രശ്നങ്ങളുമായി ബന്ധപ്പെട്ട് പുറത്തു വന്ന ജസ്റ്റിസ് ഹേമ കമ്മിറ്റി റിപ്പോർട്ടിലുള്ളത് വിവരങ്ങളിൽ ഞെട്ടിയിരിക്കുകയാണ് സംസ്ഥാനം. സ്ത്രീകളെ ലൈംഗിക വസ്തുവായി മാത്രം കാണുകയും ഇംഗിതത്തിന് വഴങ്ങാത്തവരെ സിനിമാ മേഖലയിൽ നിന്ന് തന്നെ പുറത്താക്കുന്ന റാക്കറ്റ് പ്രവർത്തിക്കുന്നുണ്ട് എന്നത് ഞെട്ടിക്കുന്നതാണ്.
അതേസമയം മലയാള സിനിമയിലെ പുരുഷന്മാരായ എല്ലാ സിനിമാപ്രവര്ത്തകരും ചൂഷകരല്ല എന്ന് ഹേമ കമ്മിറ്റി റിപ്പോര്ട്ട് വ്യക്തമായി പറയുന്നു. സ്ത്രീകളോട് മാന്യമായും മര്യാദയോടും പെരുമാറുന്ന ഒരുപാട് സിനിമാപ്രവര്ത്തകരുണ്ട്. അവര്ക്കൊപ്പം ജോലി ചെയ്യുന്നതില് സ്ത്രീകള് വലിയ സുരക്ഷിതത്വമാണ് അനുഭവിക്കുന്നത്. അവര് നല്കിയ മൊഴിയില് ഛായാഗ്രാഹകരും സംവിധായകരുമെല്ലാം ഉള്പ്പെടുന്നുന്നു.
തന്റെ സിനിമയില് ജോലി ചെയ്യുന്ന എല്ലാവരുടെയും സുരക്ഷാ ഉത്തരവാദിത്തത്തോടെ നോക്കി കാണുന്ന ഒരു ഛായാഗ്രാഹകനെക്കുറിച്ചും സംവിധായകനെക്കുറിച്ചും റിപ്പോര്ട്ടില് എടുത്തു പറയുന്നുണ്ട്.
അവരുടെ സെറ്റുകളില് എല്ലാവരും അച്ചടക്കത്തോടെയാണ് പെരുമാറുന്നത്. ഇന്റിമേറ്റ് രംഗങ്ങള് ചിത്രീകരിക്കേണ്ട അവസരങ്ങളില് അത്യാവശ്യമുള്ളവരെ മാത്രമേ സെറ്റില് നില്ക്കാന് അനുവദിക്കൂ. മാത്രവുമല്ല മറ്റുള്ളവര് കാണാതെ സെറ്റ് കവര് ചെയ്യും. അത് അഭിനയിക്കുന്നവരില് കൂടതല് സുരക്ഷിതത്വം തോന്നിപ്പിക്കും. സിനിമയിലെ വ്യത്യസ്ത ഇടങ്ങളില് പ്രവര്ത്തിക്കുന്ന ധാരാളം പുരുഷന്മാര് സൗഹാര്ദ്ദത്തോടെയും ബഹുമാനത്തോടെയുമാണ് പെരുമാറുന്നത്. അങ്ങനെ ഒരുപാട് നല്ല സിനിമാപ്രവര്ത്തകര് എല്ലാ കാലത്തും സിനിമയിലുണ്ടായിട്ടുണ്ട്.
സിനിമുടെ ആദ്യകാലം മുതല് തന്നെ സ്ത്രീകള് നിരവധിപ്രശ്നങ്ങള് നേരിടുന്നു. ബ്ലാക്ക് ആന്റ് വൈറ്റ് കാലഘട്ടം മുതല് തന്നെ. ഇത്തരം വിഷയങ്ങളില് ഇടപെടാനും നിയന്ത്രണം ഏറ്റെടുക്കാനും പ്രത്യേക അധികാര കേന്ദമില്ലാത്തതും ഒരു പോരായ്മയാണ്.
