കൊച്ചി: കുപ്രസിദ്ധ ഗുണ്ടാനേതാവ് ഓംപ്രകാശ് പ്രതിയായ ലഹരിക്കേസില് നടി പ്രയാഗ മാര്ട്ടിനെ ചോദ്യംചെയ്യും. നാളെ ഹാജരാകാന് ആവശ്യപ്പെട്ട് പോലീസ് നടിക്ക് നോട്ടീസ് നല്കി. പ്രയാഗയുടെ കൊച്ചിയിലെ വീട്ടിലെത്തിയാണ് നോട്ടീസ് നല്കിയത്. മരട് പോലീസ് സ്റ്റേഷനില് ഹാജരാകാനാണ് നിർദ്ദേശം. മരട് പോലീസ് സ്റ്റേഷനില്വെച്ചുതന്നെയോ എറണാകുളം എ.സി.പിയുടെ ഓഫീസിലോ ആവും ചോദ്യംചെയ്യുക. കേസിൽ നടൻ ശ്രീനാഥ് ഭാസിയേയും ചോദ്യംചെയ്തേക്കും
ഓംപ്രകാശിനെ മുറിയില് സന്ദര്ശിച്ച 20 പേരില് സിനിമാതാരങ്ങളുമുണ്ടെന്ന് പോലീസ് റിമാന്ഡ് റിപ്പോര്ട്ടിലാണ് വ്യക്തമാക്കിയത്. ഓം പ്രകാശ് താമസിച്ച ഹോട്ടലിലെ മൂന്നുമുറികള് കേന്ദ്രീകരിച്ചായിരുന്നു പോലീസ് അന്വേഷണം. ഇതില് ലഹരി പാര്ട്ടി നടന്നുവെന്നാണ് പോലീസിന് വിവരം ലഭിച്ചിരുന്നത്.
