കർണാടകയിലെ അങ്കോലയിലുണ്ടായ മണ്ണിടിച്ചിലിൽ കാണാതായ മലയാളി ഡ്രൈവർ അർജുന്റെ
ട്രക്ക് ഒമ്പതാം ദിനത്തിൽ കണ്ടെത്തി. ഷിരൂരിലെ ഗംഗാവലിയിൽ നദിക്കടിയില് നിന്ന് അര്ജുന്റെ ട്രക്ക് കണ്ടെത്തിയെന്ന് ജില്ലാ പോലീസ് മേധാവി സ്ഥിരീകരിച്ചു. ട്രക്ക് നദിയില് നിന്ന് പുറത്തെടുക്കാനുള്ള നീക്കം പുരോഗമിക്കുകയാണ്. 18 അംഗ നാവിക സേന സംഘം ട്രക്ക് കണ്ടെത്തിയ പുറപ്പെട്ടിട്ടുണ്ട്. കനത്ത മഴയെയും വെല്ലുവിളിച്ചാണ് ദൗത്യം തുടരുന്നത്. അർജുനായുള്ള അന്വേഷണം വഴിമുട്ടിയ നിലയിൽ ഇഴഞ്ഞു നീങ്ങവേ കര നാവിക സേനകൾക്ക് ലഭിച്ച റഡാർ സോണാർ സിഗ്നലുകളാണ് ദൗത്യത്തിൽ നിർണ്ണായകമായത്
ഇന്ന് രാത്രിയും തെരച്ചിൽ നടത്തുമെന്ന് സൈന്യം അറിയിച്ചിട്ടുണ്ട്. ഗംഗാവലി നദിയിൽ നിന്ന് കഴിഞ്ഞ ദിവസം റഡാർ സിഗ്നൽ ലഭിച്ച അതേ സ്ഥലത്ത് നിന്നും ഇന്നലെ സോണാർ സിഗ്നലും ലഭിച്ചിരുന്നു. ബൂം എക്സ്കവേറ്റർ ഉപയോഗിച്ച് നദിയിൽ തെരച്ചിൽ നടത്തുന്നതിനിടെയാണ് ട്രക്ക് കണ്ടെത്തിയിരിക്കുന്നത്. ജൂലായ് 16 ന് രാവിലെ കര്ണാടക-ഗോവ അതിര്ത്തിയിലൂടെ കടന്നുപോകുന്ന പന്വേല്-കന്യാകുമാരി ദേശീയ പാതയിലാണ് അര്ജുന് അപകടത്തില്പ്പെട്ടത്.
