കോട്ടയത്ത് കഞ്ചാവ് കേസില് പിടിയിലായ അന്യസംസ്ഥാന തൊഴിലാളിയായ പ്രതി ജയിലില് കുഴഞ്ഞുവീണുമരിച്ചു. കോട്ടയം ചെല്ലിയൊഴുക്കത്ത് നിന്ന് കഞ്ചാവ് പിടികൂടിയ കേസിലെ പ്രതി ഉപേന്ദ്രനായിക്കാണ് (35 ) മരിച്ചത്.
ഇക്കഴിഞ്ഞ തിങ്കളാഴ്ച ഉച്ചയോടെയാണ് ചെല്ലിയൊഴുക്കം റോഡിലെ വാടക വീട്ടില് നിന്നും ഏഴു കിലോ കഞ്ചാവുമായി ഉപേന്ദ്ര നായിക്കിനെയും കൂട്ടാളി സന്തോഷ്കുമാര് നായികിനെയും കോട്ടയം ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും ഈസ്റ്റ് പോലീസും അറസ്റ്റ് ചെയ്യുന്നത്.ഇയാളെ നടപടികള് പൂര്ത്തിയാക്കി കോടതിയില് ഹാജരാക്കി റിമാന്ഡ് ചെയ്തിരുന്നു. ഇന്ന് രാവിലെ കോട്ടയം ജില്ലാ ജയിലിലാണ് ഇയാൾ കുഴഞ്ഞ് വീണത്. ഉടൻ തന്നെ ജില്ലാ ജനറല് ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു. പ്രതിയുടെ മൃതദേഹം കോട്ടയം ജില്ലാ ജനറല് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
