ദില്ലി : ഗുജറാത്ത് ഭുജ് തീരത്ത് പാകിസ്ഥാന്റെ മത്സ്യബന്ധന ബോട്ടുകൾ പിടികൂടി ബിഎസ്എഫ്. പതിനൊന്ന് ബോട്ടുകളാണ് ഭുജ് തീരത്ത് നിന്ന് പിടികൂടിയത്.
സമുദ്രാതിർത്തി ലംഘിച്ചെത്തിയ ബോട്ടുകളാണ് ബിഎസ്എഫ് പിടികൂടിയത്. ബോട്ടിലുണ്ടായിരുന്നവർ കരയിലേക്ക് കടന്നെന്നാണ് പുറത്തുവരുന്ന സൂചന.
അതേസമയം വ്യോമസേനാംഗങ്ങളെ സ്ഥലത്ത് വിന്യസിച്ചിട്ടുണ്ട്. ഇവരെ ഇവിടേക്ക് എയർഡ്രോപ് ചെയ്യുകയായിരുന്നു. ഭുജ് തീരത്ത് വ്യാപക പരിശോധന നടക്കുകയാണ് ഇപ്പോൾ .
