തിരുവനന്തപുരം: ജോസ് കെ മാണിയുടെ കേരളാകോണ്‍ഗ്രസ് പുറത്തായ സാഹചര്യത്തില്‍ എങ്ങുമില്ലാതെ നില്‍ക്കുന്ന പി.സി. ജോര്‍ജ്ജിന്റെ ജനപക്ഷം പാര്‍ട്ടി യുഡിഎഫ് ലക്ഷ്യമിടുന്നതായി സൂചന. നിയമസഭാ തിരഞ്ഞെടുപ്പിന് മുൻപ് ജനപക്ഷം കേരളത്തിലെ ഒരു പ്രമുഖ മുന്നണിയുടെ ഭാഗമായി മാറുമെന്ന പി സി ജോര്‍ജ്ജിന്റെ പ്രതികരണമാണ് അഭ്യൂഹങ്ങള്‍ക്ക് കാരണമായി മാറിയിരിക്കുന്നത്.
കേരളത്തിലെ ഒരു പ്രമുഖ വാര്‍ത്താചാനലിനോടായിരുന്നു പി സി ജോര്‍ജ്ജ് എംഎല്‍എ യുടെ പ്രതികരണം. ജോസ് കെ മാണിയെ ഇടതുപക്ഷത്ത് എത്തിക്കാന്‍ സിപിഎം ചരടുവലി മുറുക്കുമ്പോള്‍ ജനപക്ഷം പാർട്ടിയെ യുഡിഎഫിൽ എത്തിക്കാൻ കോണ്‍ഗ്രസും നീക്കം നടത്തുന്നതായിട്ടാണ് പിസി ജോര്‍ജ്ജിന്റെ വാക്കുകള്‍ വെച്ച് രാഷ്ട്രീയ നിരീക്ഷകര്‍ കരുതുന്നത്. പി.സി ജോർജുമായി കോൺഗ്രസ് നേതാക്കൾ ചർച്ച നടത്തിയെന്നും ഒരു പാര്‍ട്ടിയില്‍ ലയിച്ച് യുഡിഎഫില്‍ എത്താന്‍ നിര്‍ദേശം നല്‍കിയിട്ടുണ്ട് എന്നുമാണ് വിവരം.
ജോസ് കെ മാണിയുമായി കോട്ടയം ജില്ലാപഞ്ചായത്ത് വിഷയത്തില്‍ വലിയ തര്‍ക്കത്തില്‍ ഏര്‍പ്പെട്ടിരിക്കുന്ന പിജെ ജോസഫിന്റെ പാര്‍ട്ടിയില്‍ ലയിച്ച് യുഡിഎഫില്‍ എത്താനാണ് കോണ്‍ഗ്രസ് വെച്ചിരിക്കുന്ന നിര്‍ദേശം. എന്നാല്‍ ഇത്തരത്തിലുള്ള ലയനസാധ്യത പിസി ജോര്‍ജ്ജ് തള്ളിയിട്ടുണ്ട്. കഴിഞ്ഞ നിയമസഭതാ തെരഞ്ഞെടുപ്പില്‍ ഒരു മുന്നണിയുടേയും പിന്തുണയില്ലാതെ ജയിച്ചു കയറിയ നേതാവാണ് പി സി ജോര്‍ജ്ജ്.
പൂഞ്ഞാർ നിയോജക മണ്ഡലത്തില്‍ ശക്തമായ വേരോട്ടമുള്ള പിസി ജോർജ്ജ് ഇടതുപക്ഷത്തെയും യുഡിഎഫിനെയും എന്‍ഡിഎ യുമെല്ലാം ഞെട്ടിച്ച് നിയമസഭയില്‍ എത്തുകയും ചെയ്തു. പിന്നീട് ശബരിമല വിഷയം സജീവ ചർച്ചയായ സമയത്ത് നിയമസഭയിൽ ഏകാംഗമായ ബിജെപിയുമായി സഹകരിക്കുകയും ചെയ്തിരുന്നു. എന്നാല്‍ ഈ സഖ്യത്തിന് മാസങ്ങൾ മാത്രമായിരുന്നു ആയുസ്.
കേന്ദ്ര മന്ത്രിസഭയുടെ പുതിയ അനുമതിയോടെ രാജ്യത്തെ ഊർജ്ജ മേഖല വിപ്ലവാത്മകമായ ഒരു മാറ്റത്തിലേക്ക് ചുവടുവെക്കുകയാണ്. പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ…
ഭാരതീയ ജനതാ പാർട്ടിയുടെ അടിത്തറ ശക്തമാക്കുന്നതിലും രാജ്യത്തിന്റെ രാഷ്ട്രീയ ഗതിമാറ്റുന്നതിലും ചരിത്രപരമായ പങ്കുവഹിച്ച മുതിർന്ന രാഷ്ട്രതന്ത്രജ്ഞനും ഭാരതരത്നവുമായ എൽ.കെ. അദ്വാനി…
ആർഷഭാരത പൈതൃകത്തിന്റെ പ്രൗഢിയും യുക്തിചിന്തയിലധിഷ്ഠിതമായ ആത്മീയതയും നെഞ്ചിലേറ്റിയ മഹാനായ യുഗപുരുഷൻ സ്വാമി ദയാനന്ദ സരസ്വതിയുടെ നിർവാൺ ദിവസ് രാജ്യമെമ്പാടും ഭക്തിനിർഭരമായി…
രാജ്യത്തിന്റെ ഉന്നത നേതൃത്വങ്ങൾ തമ്മിലുള്ള സൗഹൃദപരമായ കൂടിക്കാഴ്ചയും പരസ്പര സ്നേഹപ്രകടനങ്ങളും ദേശീയ രാഷ്ട്രീയത്തിൽ ഏറെ ശ്രദ്ധേയമാകുന്നു. പ്രധാനമന്ത്രി നരേന്ദ്ര മോദിയും…
സനാതന ആത്മീയ സംസ്കൃതിയുടെയും തന്ത്രിക പൈതൃകത്തിന്റെയും സംരക്ഷണത്തിനായി പ്രവർത്തിക്കുന്ന അഖിലകേരള തന്ത്രിമണ്ഡലം തിരുവനന്തപുരം ജില്ലാ ഘടകത്തിന്റെ 12-ാമത് വാർഷിക സമ്മേളനവും…
പ്രമുഖ ചലച്ചിത്ര താരം വിവേക് ഒബ്‌റോയ് തന്റെ കരിയറിലെ ഏറ്റവും വലിയൊരു മാതൃകാപരമായ തീരുമാനത്തിലൂടെ സാമൂഹിക പ്രതിബദ്ധതയുടെ പ്രതീകമായി മാറുന്നു.…