തീവ്രവാദി ആക്രമണത്തിന് സാധ്യത …! വ്യാജ സന്ദേശവുമായി റെയിൽവേ കണ്‍ട്രോള്‍ റൂമിലേക്ക് ഫോൺകോൾ ,പ്രതിയെ കയ്യോടെ പൊക്കി പോലീസ്

പൂനെ: ഭീകരാക്രമണത്തിന് സാധ്യതയുണ്ടെന്ന് പറഞ്ഞ് കൊണ്ടായിരുന്നു റെയിൽവേ കണ്‍ട്രോള്‍ റൂമിലേക്ക് വ്യാജ ഫോണ്‍ സന്ദേശം വന്നത്. ഫോൺകോൾ വന്നയുടനെ സുരക്ഷ ക്രമീകരണങ്ങൾ ശക്തമാക്കുകയായിരുന്നു.എന്നാൽ പിന്നീടാണ് ഇതൊരു വ്യാജ സന്ദേശമാണെന്ന് പോലീസിനും റെയിൽവേ അധികൃതർക്കും മനസിലായത്.വെള്ളിയാഴ്ച വൈകുന്നേരമാണ് കോൾ ലഭിച്ചത്.ട്രെയിനിൽ വെച്ച് റെയിൽവേ പ്രൊട്ടക്ഷൻ ഫോഴ്സുമായി തർക്കിച്ചതിനെ തുടർന്ന് രോഷാകുലനായ ആളാണ് ഇത്തരത്തിൽ കൺട്രോൾ റൂമിലേക്ക് വ്യാജ അറിയിപ്പ് നൽകിയത്. ഇയാളെ പിന്നീട് കണ്ടെത്തിയതായും അധികൃതർ വ്യക്തമാക്കി.

സന്ദേശം എത്തിയതിനെ തുടർന്ന് റെയിൽവേ സ്റ്റേഷനിലെ സുരക്ഷ വർദ്ധിപ്പിക്കുകയും അന്വേഷണം നടത്തുകയും ചെയ്തെങ്കിലും സംശയാസ്പദമായി ഒന്നും കണ്ടെത്താൻ സാധിച്ചില്ലെന്ന് അധികൃതർ കൂട്ടിച്ചേർത്തു. കോൾ ചെയ്ത ആളെ കത്രാജ് ഏരിയയിൽ നിന്ന് കണ്ടെത്തി. ചോദ്യം ചെയ്യലിൽ, ട്രെയിനിൽ ആർ‌പി‌എഫ് ഉദ്യോഗസ്ഥരുമായി ഉണ്ടായ വാക് വാദത്തെ തുടർന്ന് ദേഷ്യം വന്നെന്നും അതുകൊണ്ടാണ് വ്യാജ കോൾ ചെയ്യാൻ തീരുമാനിച്ചെന്നും അയാൾ പോലീസിനോട് പറഞ്ഞു. ഇയാൾക്കെതിരെ കേസെടുക്കുമെന്ന് പോലീസ് വ്യക്തമാക്കി.