PINARAYI VIJAYAN
കടിക്കാൻ കഴിയുന്ന നായയെ പറ്റി അന്ന് പറഞ്ഞത് അറം പറ്റി!! വെട്ടിലായി പിണറായി വിജയൻ | PINARAYI VIJAYAN
കുരക്കാൻ മാത്രമല്ല വേണമെങ്കിൽ കടിക്കാൻ പോലും കഴിയുന്ന ഒരു സംവിധാനമാണ് ലോകായുക്ത. 2019 ൽ ചിന്താ വാരികയിൽ ശ്രീ പിണറായി വിജയൻ എഴുതിയ ലേഖനത്തിലാണ് ഈ വരികളുള്ളത്. 99 ൽ എൽ ഡി എഫ് സർക്കാർ കൊണ്ടുവന്ന ഈ അഴിമതി വിരുദ്ധ സംവിധാനം ആ വർഷമാണത്രേ ഏറ്റവുമധികം കേസ്സുകൾ രജിസ്റ്റർ ചെയ്തത്. മുന്നിൽ വന്ന കേസ്സുകളിൽ ഏറെയും തീർപ്പാക്കിയ ഒരു മികച്ച അഴിമതി വിരുദ്ധ ആയുധമായ ലോകായുക്തയെ വാനോളം പുകഴ്ത്തി അന്ന് പിണറായി വിജയൻ. പക്ഷെ ആ സംവിധാനത്തെ ഉപമിച്ചത് നായയോടാണ് എന്ന് കാണണം. കുരക്കാൻ മാത്രമല്ല കടിക്കാനും മടിയില്ലാത്ത നായ. പണ്ടൊരാളുടെ എലിയെ പിടിക്കുന്ന പൂച്ചയെ പറ്റിയുള്ള പരാമർശം മനസ്സിൽ വച്ചുകൊണ്ടാകണം ഈ നായ പരാമർശം.
എന്തായാലും കള്ളൻ പോലീസിനെ പുകഴ്ത്തുന്നത് പോലെയായിപ്പോയി ഇത്. അഴിമതിയുടെ കാര്യത്തിൽ സാമാന്യം നല്ലരീതിയിൽ പേരുകേട്ട ഒരു നേതാവ് തന്നെയാണല്ലോ പിണറായി വിജയൻ. പക്ഷെ അദ്ദേഹത്തിന്റെ അഴിമതികൾക്ക് ചില പ്രത്യേകതകളൊക്കെയുണ്ട്. അത്ര പെട്ടെന്നൊന്നും അദ്ദേഹത്തെ പൂട്ടാനാവില്ല. വിദേശ ഇടപാടുകളോട് വല്ലാത്ത പ്രിയമാണ്. നാട്ടിലെ നക്കാപ്പിച്ച അഴിമതിക്കൊന്നും അദ്ദേഹത്തെ കിട്ടില്ല. Snc ലാവ്ലിൻ കേസ്സിൽ അഴിമതി ഇല്ലായെന്ന് ആർക്കെങ്കിലും പറയാനാകുമോ പക്ഷെ നാളിതുവരെ അദ്ദേഹത്തിനെ എന്തെങ്കിലും ചെയ്യാൻ പറ്റിയോ. ഇതാണ് അദ്ദേഹത്തിന്റെ ഒരു മോഡ് ഓഫ് ഓപ്പറാണ്ടി. ഒന്ന് വിചാരണക്ക് നിർത്താൻ പോലും കഴിഞ്ഞില്ല. ലൈഫ് പദ്ധതി അഴിമതി മറ്റൊരു ഉദാഹരണമാണ്. അവിടെയും വിദേശ ഫണ്ടിന്റെ സാന്നിധ്യമുണ്ട്. ലണ്ടൻ സ്റ്റോക്ക് എക്സ്ചേഞ്ചിൽ പോയി മണിയടിച്ച് അവിടെന്ന് മസാലാ ബോണ്ട് വഴി വാങ്ങിയ കോടികളിലും അഴിമതിയുടെ ഒരു മണവും പിണറായി വിജയൻ ടച്ച്ചുമുണ്ട്. പക്ഷെ ആരും അതെപ്പറ്റി അധികം സംസാരിച്ചു കാണുന്നില്ല. എവിടെനിന്നൊക്കെയോ ചില മുറുമുറുപ്പുകളുണ്ട്. മന്ത്രി തോമസ് ഐസക്ക് രണ്ടാം മന്ത്രിസഭയിൽ ഉൾപ്പെടാത്തത് ഇതുമായി ബന്ധപ്പെട്ട എന്തൊക്കെയോ പ്രശ്നങ്ങളാണ് എന്ന് ഒരടക്കം പറച്ചിലുണ്ട്. ഡോളർ കടത്തും സ്വർണ്ണക്കടത്തും ഏറ്റവും ഒടുവിലത്തെ ഐറ്റവും എങ്ങുമെത്താതെ നിൽക്കുകയാണ്. പിണറായി വിജയന്റെ പല വിദേശ യാത്രകളും സ്വപനയുമായുള്ളതടക്കം പല വിദേശ യാത്രകളും നയതന്ത്ര പ്രതിനിധികളുമായുള്ള വഴിവിട്ട ഇടപാടുകളുമെല്ലാം ഇന്നും സംശയത്തിന്റെ നിഴലിൽ തന്നെയാണ്. കേന്ദ്ര ഏജൻസികൾ പലതും കേരളത്തിൽ മുഖ്യമന്ത്രിയുടെയും മറ്റ് മന്ത്രിമാരുടെയും ഇടപാടുകളും ഇപ്പോഴും അന്വേഷിച്ചുകൊണ്ടിരിക്കുന്നു.
പക്ഷെ അതിനെയെല്ലാം പ്രതിരോധിക്കാൻ ഇതുവരെ മുഖ്യമന്ത്രിക്ക് സാധിച്ചിട്ടുമുണ്ട്. എന്നാണ് ഈ പ്രതിരോധമൊക്ക ഇടിഞ്ഞു പൊളിഞ്ഞു വീഴാൻ പോകുന്നത് എന്ന് പറയാനൊക്കില്ലെങ്കിലും നേരത്തേ പൊക്കിപ്പറഞ്ഞ ആ കടിക്കാനറിയാവുന്ന പട്ടി ചില ചെറിയ കളികൾക്കിടയിൽ തന്നെ വല്ലാതെ അലോസരപ്പെടുത്തുന്നതായി മുഖ്യന് ഇപ്പോൾ തോന്നുന്നുണ്ടാകും. ആ നായയുടെ കടിക്ക് സർക്കാരിനെ അസ്ഥിരപ്പെടുത്താനുള്ള കഴിവുണ്ടെന്ന് പാർട്ടി സെക്രട്ടറി പോലും തിരിച്ചറിഞ്ഞിരിക്കുന്നു. ലോകായുക്ത വഴി കേന്ദ്ര ഇടപെടലിന് സാധ്യത ഉണ്ടത്രേ! പണ്ട് വിമോചന സമരത്തിന് പിന്നിൽ അമേരിക്കയാണെന്ന് പറഞ്ഞ ടീമാണ്. ഈ കേരളത്തിൽ വന്ന് വിമോചന സമരം നടത്താൻ അമേരിക്കക്കോ പിണറായി സർക്കാരിൽ ഇടപെടാൻ ഇപ്പൊ മോദിക്കോ സമയമില്ലെന്ന് ആർക്കാണറിയാത്തത്.
ജനം ആടിനെ വിറ്റ് മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇട്ടുതന്ന കാശ് ചെലവാക്കുമ്പോൾ ഒരു ജാഗ്രത വേണമെന്ന് അന്നേ പലരും പറഞ്ഞതാണ്. അതെടുത്ത് സ്വന്തക്കാർക്ക് തോന്നും പോലെ കൊടുക്കുമ്പോൾ മേൽപ്പറഞ്ഞ നായ കടിക്കാൻ സാധ്യതയുണ്ട് എന്ന് അപ്പോൾ ഓർത്തില്ല. വലിയ കളികൾ മാത്രം ശീലമുള്ള പിണറായി പക്ഷെ ഈ ചെറിയ കളികളിൽ പെടുമെന്ന അവസ്ഥയിലാണ്. അന്ന് പുകഴ്ത്തിയ അതേ നായയുടെ പല്ലടിച്ചു കോഴിക്കാൻ ഇപ്പോൾ വടിയുമായി നിൽക്കുന്നതും അതുകൊണ്ടാണ്. പക്ഷെ ഒരു കടമ്പയുണ്ട് നിയമസഭ. അതിനെ മറികടക്കാൻ ഒരു ഓർഡിനൻസുമായി വന്നപ്പോൾ ഇതാ മറ്റൊരു കടമ്പ. എന്തെന്നല്ലേ സാക്ഷാൽ കേരളാ ഗവർണ്ണർ. സർക്കാർ ഒന്നുറപ്പിച്ചു പറഞ്ഞാൽ അദ്ദേഹത്തിന് ഒപ്പിട്ടേ പറ്റു. പക്ഷെ ഒരു വിഷയം പൊതു സമൂഹത്തിൽ ചർച്ചയാക്കണം എന്ന് വിചാരിച്ചാൽ അത് ഭംഗിയായി ചെയ്യാൻ കഴിയുന്ന ആളാണ് കസേരയിൽ. സർവ്വകലാശാലാ വിഷയത്തിൽ പിണറായി വിജയൻ കുടിച്ച വെള്ളത്തിന്റെ കണക്ക് ഒന്നോർക്കാൻ പോലും അദ്ദേഹത്തിന് ഇപ്പോൾ ഭയമായിരിക്കും. ഈ ഓർഡിനൻസ് എങ്ങാനും തിരിച്ചയാക്കുകയോ രാഷ്ട്രപതിക്കയക്കുകയോ ചെയ്താൽ പിന്നേ നാറിയത് തന്നെ. അത്ര പെട്ടെന്നൊന്നും അതിൽ ഒപ്പ് വീഴില്ലെന്നാണ് രാജ്ഭവനിൽ നിന്നുള്ള വാർത്ത. നിയമോപദേശം ഗവർണ്ണർ തേടുന്നുണ്ടെന്നാണ് റിപ്പോർട്ടുകൾ. അതും ഇവിടെനിന്നല്ല അങ്ങ് ഡൽഹിയിൽ നിന്ന്.
രാജസ്ഥാനിലെ ജെയ്പൂരിൽ പ്രമുഖ ബേക്കറിയും കഫേയും നടത്തിവന്നിരുന്ന മയങ്ക് ഗോപാലിയ എന്ന യുവാവ് ക്രൂരമായ ആക്രമണത്തിനൊടുവിൽ മരണത്തിന് കീഴടങ്ങിയത് നഗരത്തിൽ…
എണ്ണ ഇറക്കുമതിക്കായി വലിയ തോതിൽ വിദേശ രാജ്യങ്ങളെ ആശ്രയിക്കുന്ന ഭാരതം നിർണ്ണായകമായ ഊർജ്ജ സ്വയംപര്യാപ്തതയിലേക്കും വൻകിട എണ്ണ വിപ്ലവത്തിലേക്കും ചുവടുവെക്കുന്നതായി…
സമുദ്രതീര സുരക്ഷ കൂടുതൽ ശക്തമാക്കുന്നതിന്റെ ഭാഗമായി ഇന്ത്യൻ നാവികസേനയുടെ പക്കലുള്ള 'ബരാക്' പ്രതിരോധ മിസൈൽ സംവിധാനം നവീകരിക്കുന്നതിനായി ഇസ്രായേൽ എയ്റോസ്പേസ്…
ഇറാനുമായുള്ള സംഘർഷത്തിനിടയിൽ കൃത്യതയാർന്ന ആയുധങ്ങളുടെ ലഭ്യതക്കുറവ് രൂക്ഷമായതിനെത്തുടർന്ന്, അമേരിക്കൻ നാവികസേന കാലാവധി കഴിഞ്ഞ ടോമഹോക് (Tomahawk) ക്രൂയിസ് മിസൈലുകൾ പുനരുപയോഗിച്ചെന്ന…
ആർ.എസ്.എസ്. പ്രവർത്തകനായിരുന്ന മണ്ണന്തല രഞ്ജിത്തിനെ ക്രൂരമായി വെട്ടിക്കൊലപ്പെടുത്തിയ കേസിൽ 18 വർഷങ്ങൾക്കിപ്പുറം തിരുവനന്തപുരം അഡീഷണൽ സെഷൻസ് കോടതി ചരിത്രപരമായ ശിക്ഷാവിധി…
ദേശീയ അധ്യാപക പരിഷത്തും മയിൽപ്പീലി മാഗസിനും സംയുക്തമായി നടത്തിവരുന്ന മയിൽപ്പീലി സ്കോളർഷിപ്പ് പരീക്ഷയുടെ സഹകരണത്തിൽ നിന്നും സർക്കാർ പിന്മാറിയത് ആയിരക്കണക്കിന്…