“ഓം നമഃ ശിവായ… മഹാദേവന്റെ അനുഗ്രഹാശിസ്സുകൾ ഏവർക്കും ഉണ്ടാവട്ടെ”; ശിവരാത്രി ആശംസകൾ നേർന്ന് പ്രധാനമന്ത്രി

ദില്ലി: ശിവരാത്രി ആശംസകൾ നേർന്ന് പ്രധാനമന്ത്രി നരേന്ദ്രമോദി(PM Modi Wishes A Happy Maha Shivaratri). ട്വിറ്ററിലൂടെയാണ് പ്രധാനമന്ത്രി ആശംസകൾ നേർന്നത്.ഏവർക്കും മംഗളങ്ങൾ വന്നുഭവിക്കട്ടെയെന്ന് പ്രധാനമന്ത്രി ആശംസിച്ചു. രാജ്യത്തെ വിവിധ ഭാഗങ്ങളിലുള്ള ശിവാലയങ്ങളിൽ വളരെ വിപുലമായ രീതിയിലാണ് ഭക്തർ ശിവരാത്രി ആഘോഷിക്കുന്നത്. പുലർച്ചെ മുതൽ തന്നെ ക്ഷേത്രങ്ങളിൽ വൻ ഭക്തജനത്തിരക്കാണ് അനുഭവപ്പെടുന്നത്.

പ്രധാനമന്ത്രിയുടെ ട്വീറ്റിന്റെ പൂർണ്ണരൂപം:

“മഹാശിവരാത്രിയുടെ ഈ പുണ്യദിനത്തിൽ ഏവർക്കും എന്റെ ഹൃദയം നിറഞ്ഞ ആശംസകൾ. ദേവാധി ദേവനായ മഹാദേവന്റെ അനുഗ്രഹാശിസ്സുകൾ ഏവർക്കും ഉണ്ടാവട്ടെ. ഓം നമഃ ശിവായ” എന്നാണ് പ്രധാനമന്ത്രി ട്വിറ്ററിൽ കുറിച്ചത്.

അതേസമയം മാഘ മാസത്തിലെ കൃഷ്ണപക്ഷത്തിലെ പതിമൂന്നാം രാത്രിയും പതിനാലാം പകലുമാണ് ശിവരാത്രി ആഘോഷിക്കുന്നത്. ശിവഭക്തർക്ക് വളരെ പ്രധാനപ്പെട്ട ഉത്സവമാണിത്. കൂവളത്തിന്റെ ഇലകൾ ശിവന് അർപ്പിക്കുന്നതും ഉപവാസമനുഷ്ടിക്കുന്നതും രാത്രി ഉറക്കമിളക്കുന്നതുമൊക്കെയാണ് ഈ ദിവസത്തെ പ്രധാന ആചാരങ്ങൾ. ശിവലിംഗത്തെ പാലും തേനും കൊണ്ട് അഭിഷേകം ചെയത് ആരാധിക്കുന്നതും ഉത്തമമാണ് .