ചരിത്രനേട്ടം സ്വന്തമാക്കിയതിന് ശേഷമുള്ള പ്രധാനമന്ത്രിയുടെ ആദ്യ മൻ കി ബാത്ത് ഇന്ന്; പ്രത്യേകതകളേറെ

ദില്ലി: 82ാമത് മൻകി ബാത്ത് ഇന്ന്. പ്രധാനമന്ത്രി രാവിലെ പതിനൊന്ന് മണിയ്ക്ക് രാജ്യത്തെ ജനങ്ങളോട് സംസാരിക്കും. നൂറു കോടി വാക്‌സിനേഷൻ എന്ന ചരിത്ര നേട്ടം സ്വന്തമാക്കിയതിന് ശേഷമുള്ള ആദ്യത്തെ മൻ കി ബാത്ത് (Mann Ki Baat) ആണ് ഇന്ന് നടക്കുന്നത്. അതുകൊണ്ടുതന്നെ ഇന്നത്തെ മൻ കി ബാത്തിന് ഏറെ പ്രത്യേകതകളാണുള്ളത്

പ്രധാനമന്ത്രിയുടെ പ്രതിമാസ റേഡിയോ പാരിപാടിയാണ് മൻ കി ബാത്ത്. എല്ലാ മാസവും അവസാനത്തെ ഞായറാഴ്‌ച്ചയാണ് മൻ കി ബാത്ത് നടക്കുക. എന്നാൽ ഇക്കുറി മൻ കി ബാത്തിലേക്കുളള ആശയങ്ങൾ സമർപ്പിക്കാൻ പ്രധാനമന്ത്രി നേരത്തെ അഭ്യർത്ഥിച്ചിരുന്നു. നമോ ആപ്ലിക്കേഷനിലൂടെയും മൈ ഗവൺമെന്റ് ആപ്പിലൂടെയും 1800 -11-7800 എന്ന നമ്പറിൽ വിളിച്ചും ജനങ്ങൾക്ക് തങ്ങളുടെ ആശയങ്ങൾ പങ്കുവെയ്‌ക്കാമെന്നും അദ്ദേഹം വ്യക്തമാക്കിയിരുന്നു. 81ാം മത് മൻ കി ബാത്തിൽ ഇന്ത്യൻ സംസ്‌കാരത്തിൽ മഴവെള്ള സംഭരണത്തിന്റെ പ്രാധാന്യവും പരമ്പരാഗത ഉത്സവമായ ജൽ-ജീലാനി ഏകാദശിയുടെയും ദേശീയ ജല മിഷന്റെ ക്യാച്ച് ദി റെയിൻ ക്യാംപെയ്ൻ എന്നിവയെക്കുറിച്ചാണ് ചർച്ച ചെയ്തത്.