തോന്നയ്ക്കല് കുമാരനാശാന് ദേശീയ സാംസ്കാരിക ഇന്സ്റ്റിറ്റ്യൂട്ടില് മഹാകവികുമാരനാശാന്റെ 150-ാം ജന്മവാര്ഷികാഘോഷവും ആശാന് സൗധത്തിന്റെ നിര്മ്മാണോദ്ഘാടനവും മുഖ്യമന്ത്രി പിണറായി വിജയന് നാളെ വൈകുന്നേരം 3.30ന് നിര്വ്വഹിക്കും. അതോടൊപ്പം കാനായി കുഞ്ഞിരാമന് രൂപകല്പ്പന ചെയ്ത ആശാന് കാവ്യശില്പം മുഖ്യമന്ത്രി നാടിന് സമര്പ്പിക്കും.
കൂടാതെ ആശാന് സൗധത്തില് അത്യാധുനിക സംവിധാനങ്ങളുള്ള ഓഡിറ്റോറിയം, ഓഡിയോ വിഷ്വല് തീയേറ്റര്, ഓഫീസ് സമുച്ചയം, ഡിജിറ്റല് സൗകര്യങ്ങളുള്ള ലൈബ്രറി മന്ദിരം, റഫറന്സ് -ഗവേഷണ സൗകര്യങ്ങള്, ബാലകേന്ദ്രങ്ങള്, എഴുത്തുകാര്ക്ക് താമസസൗകര്യങ്ങള് കോണ്ഫറന്സ് ഹാള് എന്നിവ ഉണ്ടാകും.
സാംസ്കാരിക വകുപ്പ് മന്ത്രി വി.എന് വാസവന്റെ അദ്ധ്യക്ഷതയില് ചേരുന്ന സമ്മേളനത്തില് അടൂര് പ്രകാശ് എം. പി, വി.ശശി എംഎല്എ, കടകംപള്ളി സുരേന്ദ്രന് എംഎല്എ, വി. മധുസൂദനന് നായര്, പെരുമ്പടവം ശ്രീധരന്, പ്രൊഫസര് എം. കെ.സാനു, കെ.ജയകുമാര് തുടങ്ങിയവര് പങ്കെടുക്കും. തുടര്ന്ന് കല്ലറ ഗോപന്, ശ്രീറാം എന്നിവര് നയിക്കുന്ന ആശാന് കാവ്യസംഗീതികയും ചിന്താവിഷ്ടയായ സീത നൃത്താവിഷ്കാരവും അരങ്ങേറും.
ആലപ്പുഴ: അരൂരില് അതിഥി തൊഴിലാളികളില് നിന്ന് 2000ത്തിലധികം കഞ്ചാവ് മിഠായികള് പിടികൂടി എക്സൈസ്. ഉത്തര്പ്രദേശ് സ്വദേശികളായ രാഹുല് സരോജ്, സന്തോഷ്…
കൊല്ലം: കൊല്ലത്ത് ശുചിമുറിയില് ക്യാമറ വച്ച യൂത്ത് കോണ്ഗ്രസ് പ്രാദേശിക നേതാവ് അറസ്റ്റില്. തെന്മല സ്വദേശി ആഷിക് ബദറുദ്ദീന് (30)…
തിരുവനന്തപുരം: കനത്ത മഴയിൽ അമ്മതൊട്ടിലിൽ എത്തിയ കുഞ്ഞതിഥിക്ക് ‘മഴ’ എന്ന പേരിട്ട് ശിശുക്ഷേമ സമിതി. സംസ്ഥാന ശിശുക്ഷേമ സമിതി തിരുവനന്തപുരത്ത്…