തിരുവനന്തപുരം: കേരളത്തെ റോഡുകളിലെ കുഴികളുടെ എണ്ണമെടുക്കാന് പൊലീസിന് നിര്ദ്ദേശം. അപകടകരമായ കുഴികളുടെ എണ്ണമെടുക്കാനാണ് പൊലീസിന് നിര്ദ്ദേശം നൽകിയിരിക്കുന്നത്. പൊലീസ് ആസ്ഥാനത്തെ നിര്ദ്ദേശമനുസരിച്ച് ജില്ലാ പൊലീസ് മേധാവിമാര് റോഡുകളിലെ കുഴികളുടെ എണ്ണമെടുക്കാൻ എസ്എച്ച്ഒമാരെ ചുമതലപ്പെടുത്തി.
സംസ്ഥാനത്തെ റോഡിലെ കുഴികളില് വീണ് യാത്രക്കാര് അപകടത്തില്പ്പെടുന്നത് തുടരുന്നതോടെയാണ് പുതിയ നീക്കം. സംഭവത്തിൽ ഹൈക്കോടതിയടക്കം ഇടപെട്ടിരുന്നു. കഴിഞ്ഞ ദിവസമാണ് ഉത്തരവിറങ്ങിയത്. ഏത് വകുപ്പിന്റെ റോഡ് ആണെങ്കിലും കുഴികൾ ഉണ്ടാകരുതെന്നാണ് പൊതുമരാമത്ത് മന്ത്രി മുഹമ്മദ് റിയാസ് പ്രതികരിച്ചത്. കേരളം ഉണ്ടായ അന്ന് മുതൽ റോഡുകളിൽ കുഴിയുണ്ടെന്നും പറഞ്ഞു കയ്യും കെട്ടി നോക്കി നിൽക്കാനാവില്ല. ഡിഎൽപി ബോർഡ് പ്രസിദ്ധപ്പെടുത്തിയതോടെ പൊതുമാരാമത്ത് റോഡുകളിൽ നില മെച്ചപ്പെട്ടു എന്നും മന്ത്രി പ്രതികരിച്ചു.7
