“അമ്മയെ ഇനി കാണേണ്ട” രണ്ടാനമ്മയുടെ ക്രൂര പീഡനമേറ്റ നാലും ആറും വയസുള്ള പിഞ്ചു കുട്ടികളുടെ വിലാപം | Malappuram

മലപ്പുറം: മലപ്പുറം മമ്പാട് രണ്ട് കുട്ടിളെ വീടിനുള്ളില്‍ പൂട്ടിയിട്ട നിലയില്‍. കുട്ടികളുടെ ശരീരത്തില്‍ അടിയേറ്റ പാടുകളുമുണ്ട്. ഇതര സംസ്ഥാന തൊഴിലാളികള്‍ താമസിക്കുന്ന വീട്ടിലാണ് സംഭവം. രണ്ടാനമ്മയും അച്ഛനും ചേര്‍ന്നുളള പീഡനമാണെന്നാണ് കുട്ടികള്‍ പറയുന്നത്.

ആറും നാലും വയസ് പ്രായമുള്ള കുട്ടികളെയായിരുന്നു മാതാപിതാക്കൾ പൂട്ടിയിട്ടത്. ദിവസങ്ങളായി കുട്ടികൾക്ക് ഭക്ഷണം നൽകിയിരുന്നില്ലെന്ന് നാട്ടുകാർ പറഞ്ഞു. അവശനിലയിലായ കുട്ടികളെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചു.

ഭക്ഷണം നല്‍കാതെ കുട്ടികളെ വീട്ടില്‍ പൂട്ടിയിട്ട് ദമ്പതികള്‍ പുറത്തുപോകുന്നത് ശ്രദ്ധയില്‍പ്പെട്ട നാട്ടുകാര്‍ പഞ്ചായത്ത് അധികൃതരെ വിവരം അറിയിക്കുകയായിരുന്നു. അധികൃതര്‍ പൂട്ട് തകര്‍ത്ത് കയറി പരിശോധിച്ചപ്പോള്‍ അവശനിലയിലായ കുട്ടികളെയാണ് കണ്ടെത്തിയത്. ആശുപത്രിയിൽ നടത്തിയ പരിശോധനയിൽ കുട്ടികളുടെ ദേഹത്ത് അടിയേറ്റ പാടുകൾ കണ്ടെത്തി. സംഭവത്തിൽ കുട്ടികളുടെ മാതാപിതാക്കളെ പൊലീസ് കസ്റ്റഡിയിൽ എടുത്തു.