റോക്കറ്റ് വേഗത്തിൽ കുതിച്ച് കോഴിവില;ഒരു കിലോയ്ക്ക് 220 മുതൽ 250 വരെ;സംസ്ഥാനത്ത് ചൂട് കൂടിയതോടെ ഉൽപ്പാദനം കുറഞ്ഞെന്ന് ഫാം ഉടമകൾ

കേരളത്തിലെ കോഴിയിറച്ചി വിലയിൽ വൻ വർദ്ധനവ്. ഒരു കിലോ കോഴിയിറച്ചിയുടെ വില 220 മുതൽ 250 വരെയായി. കഴിഞ്ഞ ഒരു മാസത്തിനിടെ 90 രൂപയാണ് കൂടിയിരിക്കുന്നത്.

കോഴിയിറച്ചി വില കൂടിയതോടെ കോഴിമുട്ടയുടെ വിലയും വർദ്ധിച്ചു. ആറ് രൂപയാണ് ഒരു കോഴി മുട്ടയുടെ നിലവിലെ നിരക്ക്. നാല് രൂപ മുതൽ അഞ്ച് രൂപ വരെയായിരുന്ന മുട്ടയ്‌ക്കാണ് ഇപ്പോൾ ആറ് രൂപയായിരിക്കുന്നത്. അതേസമയം, സംസ്ഥാനത്ത് ചൂട് കൂടിയതോടെ ഉൽപ്പാദനം കുറഞ്ഞതാണ് വിലക്കയറ്റത്തിന് കാരണമായതെന്ന് ഫാം ഉടമകൾ പറയുന്നു.