പ്രാർഥന ശല്യമായി; ഓമല്ലൂരിലെ ഇലാഹിം ഗ്ലോബൽ വർഷിപ്പ് സെന്റർ അടച്ചുപൂട്ടാൻ ഉത്തരവ്

പത്തനംതിട്ട ഓമല്ലൂരിലെ ഇലാഹിം ഗ്ലോബൽ വർഷിപ് സെന്റർ അടച്ചുപൂട്ടും. ഹൈക്കോടതി ഉത്തരവ് പ്രകാരം ഓമല്ലൂർ പഞ്ചായത്താണ് ഇത് അടച്ചുപൂട്ടുക. പാസ്റ്റർ ബിനു വാഴമുട്ടത്തിന്റെ ഉടമസ്ഥതയിലുള്ളതാണ് സ്ഥാപനം.

വെള്ളി, ഞായർ ദിവസങ്ങളിൽ ഇവിടെ നടക്കുന്ന പ്രാർഥന നാട്ടുകാർക്ക് ശല്യമായതിനെ തുടർന്നാണ് സമീപവാസികൾ കോടതിയെ സമീപിച്ചത്. തുടർന്നാണ് സ്ഥാപനം അടച്ചുപൂട്ടാൻ കോടതി നിർദേശം നൽകിയത്.