എന്നും പ്രവാസികളെ ചേർത്തു പിടിച്ച് പ്രധാനമന്ത്രി നരേന്ദ്ര മോദി;മോദിയുടെ ആദ്യകാല ചിത്രങ്ങൾ തരംഗമാകുന്നു

ഇൻഡോർ : 17-മത് യൂത്ത് പ്രവാസി ഭാരതീയ ദിവസ് ആഘോഷങ്ങൾക്ക് മദ്ധ്യപ്രദേശിലെ ഇൻഡോറിൽ ഇന്നലെയാണ് തുടക്കമായത്. ലോകത്തിലെ വിവിധ രാജ്യങ്ങളിൽ തൊഴിൽ ചെയ്ത് രാജ്യത്തിന്റെ വികസനത്തിൽ സുപ്രധാന പങ്കുവഹിക്കുന്ന പ്രവാസികളെ ഓർക്കുകയും ഹൃദയം കൊണ്ട് നന്ദി പറയുകയുമാണ് ഈ ദിനത്തിലൂടെ ഉദ്ദേശിക്കുന്നത് . പ്രവാസി ക്ഷേമത്തിനായി കേന്ദ്ര സർക്കാർ ആവിഷ്‌കരിച്ച പദ്ധതികളെക്കുറിച്ചും ലോകരാജ്യങ്ങളുമായി ഏർപ്പെട്ട ഉടമ്പടികളെക്കുറിച്ചും ഇന്നലെ ചടങ്ങ് ഉദ്‌ഘാടനം ചെയ്തു സംസാരിച്ച വിദേശ കാര്യമന്ത്രി എസ് ജയശങ്കർ വാചാലനായി.

ഇപ്പോൾ സോഷ്യൽ മീഡിയയിൽ വൈറലായികൊണ്ടിരിക്കുന്നത് പ്രധാന മന്ത്രി നരേന്ദ്ര മോദിയുടെ പ്രവാസികളോടൊപ്പമുള്ള പഴയ ചിത്രങ്ങളാണ്.അദ്ദേഹത്തിന്റെ പ്രവാസികളുമായുള്ള ബന്ധത്തിന് പതിറ്റാണ്ടുകളുടെ പഴക്കമുണ്ട്. ഒരു യുവ കാര്യകർത്താ എന്ന നിലയിൽ, അദ്ദേഹം ലോകമെമ്പാടും സഞ്ചരിക്കുകയും ലോകമെമ്പാടുമുള്ള ഇന്ത്യക്കാരുമായി അദ്ദേഹം വ്യക്തിപരമായ ബന്ധം സ്ഥാപിക്കുകയും ചെയ്തിരുന്നു.