കല്പ്പറ്റ: പുല്വാമയിലെ ഭീകരാക്രമണത്തില് വീരമൃത്യു വരിച്ച വയനാട് ലക്കിടി സ്വദേശി ഹവില്ദാര് വിവി വസന്തകുമാറിന്റെ ഭൗതിക ശരീരം കുടുംബ ശ്മശാനത്തില് സംസ്കരിച്ചു. വീട്ടിലും സ്കൂളിലും പൊതുദര്ശനത്തിന് വച്ച മൃതദേഹത്തില് ആദരാഞ്ജലി അര്പ്പിക്കാന് ആയിരങ്ങളാണ് എത്തിയത്. രാത്രി എട്ട് മണിയോടെയാണ് സംസ്കാര ചടങ്ങുകള്ക്ക് തുടങ്ങിയത്. കേന്ദ്ര മന്ത്രി അല്ഫോണ്സ് കണ്ണന്താനം, മന്ത്രിമാരായ കടന്നപ്പള്ളി രാമചന്ദ്രന്, ഗതാഗത വകുപ്പ് മന്ത്രി എകെ ശശീന്ദ്രന് തുടങ്ങിയവരും ലക്കിടിയിലെത്തിയിരുന്നു.
വീട്ടിനുള്ളിലേക്ക് കൊണ്ടുപോയ മൃതദേഹം വസന്തകുമാറിന്റെ ബന്ധുക്കള്ക്കും സുഹൃത്തുകള്ക്കും മാത്രമാണ് കാണാന് അവസരം നല്കിയത്. തുടര്ന്ന് മുറ്റത്തേക്ക് കൊണ്ടു വന്ന മൃതദേഹത്തില് നാട്ടുകാര് ആദരാജ്ഞലി അര്പ്പിച്ചു. പിന്നീട് വസന്തകുമാര് പഠിച്ച സ്കൂളിലേക്ക് കൊണ്ടുപോയി.
ശനിയാഴ്ച ഉച്ചയോടെയാണ് വസന്തകുമാറിന്റെ ഭൗതിക ശരീരം കരിപ്പൂരിലെത്തിച്ചത്. ഇവിടെ വച്ച് കേന്ദ്ര, സംസ്ഥാന മന്ത്രിമാര് ആദരാഞ്ജലി അര്പ്പിച്ചു. യാത്രാമധ്യേ തൊണ്ടയാട് വച്ചും രാമനാട്ടുകാര വച്ചും ജനങ്ങള് ആദരാഞ്ജലി അര്പ്പിച്ചു. തൃക്കൈപ്പറ്റ വാഴക്കണ്ടിയിലെ കുടുംബ ശ്മശാനത്തിലായിരുന്നു സംസ്കാരം. ജമ്മു കശ്മീരിലെ പുല്വാമയില് സിആര്പിഎഫ് വാഹന വ്യൂഹത്തിന് നേരെയുണ്ടായ തീവ്രവാദി ആക്രമണത്തിലായിരുന്നു ഹവില്ദാര് വസന്തകുമാറടക്കം 39 ജവാന്മാർ വീരമൃത്യു വരിച്ചത്.
എറണാകുളത്ത് നിന്ന് പോലീസ് റെയ്ഡിനിടെ പിടിച്ചെടുത്ത വിദേശ കറന്സി തിരികെ ആവശ്യപ്പെട്ട് റോയ്സ് ഗ്രൂപ്പ് ഉടമ ആന്റോ അഗസ്റ്റിന് എറണാകുളം…
കേരള രാഷ്ട്രീയത്തില് വലിയ കോളിളക്കം സൃഷ്ടിച്ചിരിക്കുന്ന മാസപ്പടി വിവാദവുമായി ബന്ധപ്പെട്ട് എസ്.എഫ്.ഐ.ഒ (SFIO) കോടതിയില് സമര്പ്പിച്ച രേഖകള് ബി.ജെ.പി നേതാവ്…
ഓണാട്ടുകരയുടെ മണ്ണില് ഇരുപത്തെട്ടാം ഓണത്തിന്റെ ആഘോഷത്തിമിര്പ്പിനിടയില് മറ്റൊരു അത്ഭുതക്കാഴ്ച കൂടി. ഓണാട്ടുകതിരവന്റെ തിരുസന്നിധിക്ക് സമീപമുള്ള ആല്മരത്തില് നന്ദികേശന്റെ രൂപം തെളിഞ്ഞത്…
പത്തനംതിട്ട : ശബരിമലയില് നിന്ന് നഷ്ടപ്പെട്ടെന്ന് കരുതിയ സ്വര്ണക്കിരീടം സുരക്ഷിതമായുണ്ടെന്ന് ദേവസ്വം ബോര്ഡ്. വിഷയത്തില് തിരുവാഭരണം കമ്മീഷണര് ബോര്ഡിന് വിശദീകരണം…
കോഴിക്കോട് താമരശ്ശേരിയില് ചികിത്സയുടെയും മാന്ത്രികച്ചടങ്ങുകളുടെയും മറവില് നവദമ്പതികളെ കബളിപ്പിച്ച് യുവതിയെ പീഡിപ്പിച്ച വ്യാജസിദ്ധന് അന്വര് സാദത്തിന്റെ അറസ്റ്റ്, സമൂഹത്തില് ഇന്നും…
ജോധ്പൂര് : ഭാരതത്തിന്റെ ഏറ്റവും വലിയ വ്യോമാഭ്യാസമായ 'തരംഗ് ശക്തി'യുടെ ഭാഗമായി തദ്ദേശീയ പ്രതിരോധ നിര്മ്മാണ കരുത്ത് ലോകരാഷ്ട്രങ്ങള്ക്ക് മുന്നില്…