ഇന്ത്യൻ നാവികസേനയിൽ യുദ്ധവിമാനം പറത്താൻ പരിശീലനം നേടിയ ആദ്യ വനിതയെന്ന ബഹുമതി സ്വന്തമാക്കി സബ് ലെഫ്റ്റനന്റ് ആസ്ത പുനിയ. ഇന്ത്യയുടെ വിമാനവാഹിനി കപ്പലുകളിൽനിന്ന് മിഗ്-29കെ, റഫാൽ വിമാനത്തിന്റെ നാവിക പതിപ്പ് എന്നിവ പറത്താൻ ഉത്തർപ്രദേശ് സ്വദേശിനിയായ ആസ്തയ്ക്ക് കഴിയും. ഔദ്യോഗിക എക്സ് ഹാൻഡിലിൽ പങ്കുവച്ച പോസ്റ്റിലൂടെയാണ് നാവിക സേന ഇക്കാര്യം അറിയിച്ചത്.
ലെഫ്റ്റനന്റ് അതുൽ കുമാർ ധുലിൽനിന്ന് ആസ്ത വിങ്സ് ഓഫ് ഗോൾഡ് സ്വീകരിക്കുന്നതിന്റെ ചിത്രവും നാവികസേന പങ്കുവെച്ചിട്ടുണ്ട്.
A New Chapter in Naval Aviation#IndianNavy marks a historic milestone with the graduation of the Second Basic Hawk Conversion Course on #03Jul 2025 at @IN_Dega.
Lt Atul Kumar Dhull and Slt Aastha Poonia received the prestigious 'Wings of Gold' from RAdm Janak Bevli, ACNS (Air).… pic.twitter.com/awMUQGQ4wS
— SpokespersonNavy (@indiannavy) July 4, 2025
ലിംഗസമത്വം ഉറപ്പാക്കാനുള്ള പ്രതിബദ്ധതയും നാരീശക്തി പ്രോത്സാഹിപ്പിക്കുന്ന സംസ്കാരം വളർത്തിയെടുക്കാനുമാണ് ശ്രമമെന്ന് നാവികസേന വ്യക്തമാക്കി. ഐഎൻഎസ് വിക്രാന്ത്, ഐഎൻഎസ് വിക്രമാദിത്യ എന്നീ രണ്ട് വിമാനവാഹിനി കപ്പലുകളാണ് നിലവിൽ രാജ്യത്തിനുള്ളത് . മിഗ്-29 ഫൈറ്റർ ജെറ്റിന്റെ നാവിക പതിപ്പാണ് മിഗ്-29കെ.
