മകൾക്കൊപ്പം തിരുപ്പതി ക്ഷേത്രത്തിൽ ദർശനം നടത്തി രജനികാന്ത്;ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ വൈറൽ

ചെന്നൈ: മകൾ മകൾ ഐശ്വര്യയ്‌ക്കൊപ്പം തിരുപ്പതി ക്ഷേത്രത്തിൽ ദർശനം നടത്തി സൂപ്പർ സ്റ്റാർ രജനികാന്ത്.ക്ഷേത്രദർശനത്തിന്റെ ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.വ്യാഴാഴ്ച രാവിലെയോടെയാണ് താരം മകൾക്കൊപ്പം ക്ഷേത്രത്തിൽ എത്തിയത്.

വഴിപാടുകൾ നേർന്ന അദ്ദേഹം വിവിധ പൂജകളിലും പങ്കെടുത്ത ശേഷമാണ് മടങ്ങിയത്. ക്ഷേത്രത്തിൽ എത്തിയ താരത്തെ ദേവസ്ഥാനം അധികൃതർ സ്വീകരിച്ചു. ക്ഷേത്ര ദർശനത്തിന്റെ ചിത്രങ്ങൾ രജനികാന്തിന്റെ പേരിലുള്ള ഫാൻ പേജുകളിലാണ് ആദ്യം പ്രത്യക്ഷപ്പെട്ടത്.

ബുധനാഴ്ചയാണ് ക്ഷേത്ര ദർശനത്തിനായി രജനീകാന്ത് തമിഴ്‌നാട്ടിൽ എത്തിയത്.അതേസമയം വൈകീട്ട് അദ്ദേഹം അമീൻ ബിർ ദർഗയിലും സന്ദർശനം നടത്തും. സംഗീത സംവിധായകൻ എആർ റഹ്മാനൊപ്പമാകും അദ്ദേഹം ദർഗയിൽ എത്തുക.