ബംഗാളിലെ യുവ ‌‌‌വനിതാ ‍ഡോക്ടറുടെ ബലാത്സംഗക്കൊല !പിടിയിലായ പ്രധാന പ്രതിയുടെ നുണ പരിശോധന ഉടൻ

പശ്ചിമ ബംഗാൾ സർക്കാരിന്റെ നിയന്ത്രണത്തിലുള്ള ആർ ജി.കാർ മെഡിക്കൽ കോളേജിൽ യുവ ‌‌‌വനിതാ ‍ഡോക്ടർ ബലാത്സംഗം ചെയ്ത കേസിൽ പിടിയിലായ പ്രധാന പ്രതിയുടെ നുണ പരിശോധന ഉടൻ നടത്തും. പ്രതിയെ പോളിഗ്രാഫ് ടെസ്റ്റിന് വിധേയനാക്കാനുള്ള അനുമതി നേരത്തെ ലഭിച്ചിരുന്നു.

അതേസമയം കേസിൽ ആർജെ കർ മെഡിക്കൽ കോളേജ് മുൻ പ്രിൻസിപ്പൽ സന്ദീപ് ഗോഷിനെ ചോദ്യം ചെയ്യുന്നത് നാലാം ദിവസവും തുടരുകയാണ്. മരണ വാർത്ത അറിഞ്ഞതിന് പിന്നാലെ എന്താണ് ചെയ്തത്, ആരെയാണ് ആദ്യമായി ബന്ധപ്പെട്ടത്, കൊല്ലപ്പെട്ട വനിതാ ഡോക്ടറുടെ രക്ഷിതാക്കളെ മൂന്ന് മണിക്കൂറോളം നേരം പുറത്ത് കാത്തിരിപ്പിക്കാൻ കാരണമെന്ത്? തുടങ്ങിയ കാര്യങ്ങളാണ് മുൻ പ്രിൻസപ്പലിനോട് ചോദിച്ചറിയുന്നതെന്നാണ് വിവരം. സംഭവത്തിന് പിന്നാലെ ഡോക്ടർ കൊല്ലപ്പെട്ടുകിടന്ന സെമിനാർ ഹാളിനരികിലുള്ള മുറികളുടെ നവീകരണപ്രവർത്തനങ്ങൾക്ക് ആരാണ് ഉത്തരവിട്ടത് എന്ന കാര്യവും പ്രിൻസിപ്പലിനോട് അന്വേഷിച്ചറിയുന്നുണ്ടെന്നാണ് വിവരം.