മതപരിവർത്തനത്തിനും തീവ്രവാദ റിക്രൂട്ട്മെന്റിനും ജിഹാദികളുടെ പുതിയ രീതി; ആൺ കുട്ടികളെ വലയിലാക്കാൻ മൊബൈൽ ഗെയിമിങ് ആപ്പുകൾ; ഹിന്ദു, ജൈന കുട്ടികളെ ലക്ഷ്യമിട്ട ജിഹാദി ഷാനവാസ് ഖാൻ ഉത്തർപ്രദേശ് പോലീസിന്റെ പിടിയിൽ

ഓൺലൈൻ ഗെയിമിംഗ് വഴി മതപരിവർത്തനം.പ്രായപൂർത്തിയാകാത്ത ആൺകുട്ടിയെ പ്രലോഭിപ്പിച്ച് മതംമാറ്റാൻ ശ്രമിച്ച മുഖ്യപ്രതി അറസ്റ്റിൽ.ഉത്തർപ്രദേശിലെ ഗാസിയാബാദിലാണ് സംഭവം.കുട്ടിയുടെ പിതാവാണ് ഇത് കണ്ടെത്തി പരാതി നൽകിയത്.ഷാനവാസ് ഖാൻ എന്ന ബദ്ദോ( 23)ആണ് കേസിലെ മുഖ്യ പ്രതി. അബ്ദുൾ റഹ്മാൻ എന്ന പേരിലായിരുന്നു ഇയാൾ മുമ്പ് അറിയപ്പെട്ടിരുന്നത്.ഓൺലൈൻ ഗെയിമിംഗ് ആപ്പുകൾ വഴി ഖാൻ പ്രലോഭിപ്പിച്ചെന്നാരോപിച്ച് ആൺകുട്ടിയുടെ പിതാവ് ഖാനെതിരെ നൽകിയ പരാതിയിൽ എഫ്ഐആർ രജിസ്റ്റർ ചെയ്തു. മകൻ മറ്റൊരു മതത്തിന്റെ ആചാരങ്ങൾ പിന്തുടരുന്നതുമായി ബന്ധപ്പെട്ട സംശയത്തിന്റെ പുറത്താണ് ഇത്തരത്തിൽ ഒരു മതപരിവർത്തനം പിതാവ് കണ്ടെത്തിയത്.

അതേസമയം, ഷാനവാസ് ഖാൻ ഇതിന് മുമ്പ് ആൺകുട്ടികളെ വശീകരിച്ച് ഗെയിമിങ്ങിലൂടെ മതം മാറ്റുന്നത് ഇത് ആദ്യമായല്ലെന്ന് പോലീസ് വെളിപ്പെടുത്തി. മാദ്ധ്യമ റിപ്പോർട്ടുകൾ പ്രകാരം, 3 ഹിന്ദു ആൺകുട്ടികളെയും ഒരു ജൈന ആൺകുട്ടിയെയും പ്രതി ഇത്തരത്തിൽ മതം മാറ്റിയതായി റിപ്പോർട്ടുകൾ ഉണ്ട്.മതപരിവർത്തന റാക്കറ്റ് ഉപയോഗിച്ചിരുന്ന ഫോർട്ട്‌നൈറ്റ് എന്ന ഓൺലൈൻ ഗെയിം ഉപയോഗിച്ചാണ് ഇത്തരത്തിൽ ഇയാൾ കുട്ടികളെ മതം മാറ്റുന്നതെന്ന് വ്യക്തമായി.ആൺകുട്ടികൾക്ക് ഗെയിമിൽ താല്പര്യമുള്ളതിനാലാണ് ആൺകുട്ടികളെ ലക്ഷ്യമിട്ട് ഇയാൾ പ്രവർത്തിക്കുന്നതെന്ന് പോലീസ് വ്യക്തമാക്കി.