ഇത് പ്രധാനമന്ത്രി നരേന്ദ്ര മോദി തീർത്ത ആധുനിക ജമ്മു കശ്മീർ !ജി20 ടൂറിസം മീറ്റിംഗിന് പിന്നാലെ കശ്മീരിലേയ്ക്കുള്ള വിദേശ വിനോദസഞ്ചാരികളുടെ എണ്ണം 59% വർധിച്ചുവെന്ന് റിപ്പോർട്ട്

ശ്രീനഗർ : ഒരു സമയത്ത് ഭീതിയുടെ താഴ്വരയായിരുന്ന ഭൂമിയിലെ സ്വർഗമായ ജമ്മു കശ്മീരിലേക്ക് വിനോദസഞ്ചാരികളുടെ ഒഴുക്ക് തുടരുന്നു. അടുത്തിടെ നടന്ന ജി20 ടൂറിസം മീറ്റിംഗിനെത്തുടർന്ന് ജമ്മു കശ്മീരിലെ വിനോദസഞ്ചാരികളുടെ വരവ് കുത്തനെ വർദ്ധിക്കുന്നു എന്നാണ് പുറത്ത് വരുന്ന ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. ആഗസ്ത് 31 വരെ മുൻവർഷത്തെ അപേക്ഷിച്ച് 1 കോടി 28 ലക്ഷം വിനോദ സഞ്ചാരികളാണ് ജമ്മു കശ്മീർ സന്ദർശിച്ചതെന്ന് ലഫ്റ്റനന്റ് ഗവർണർ മനോജ് സിൻഹ പറഞ്ഞു. വിനോദ സഞ്ചാരവുമായി ബന്ധപ്പെട്ട തൊഴിൽ അവസരങ്ങളും വർധിച്ചതിനാൽ യുവജനങ്ങളും പുതിയ മാറ്റത്തിൽ അതീവ സന്തുഷ്ടരാണ്

“2023 അവസാനത്തോടെ വിനോദസഞ്ചാരികളുടെ വരവ് 2.25 കോടി കവിയും . കൂടാതെ, ജി20 വർക്കിംഗ് ഗ്രൂപ്പ് മീറ്റിംഗിന് ശേഷം വിദേശ വിനോദസഞ്ചാരികളുടെ വരവ് 59% വർധിച്ചു. ഈ കണക്കുകൾ ജമ്മു കശ്മീരിൽ സംഭവിച്ച മാറ്റങ്ങളെ പ്രതിഫലിപ്പിക്കുന്നു.ജി 20 ഉച്ചകോടിയുടെ വിജയം, വിനോദസഞ്ചാരികളുടെ വരവ്, വിദേശ വിനോദസഞ്ചാരികളുടെ അഭൂതപൂർവമായ വർദ്ധനവ് എന്നിവ ജമ്മു കശ്മീരിലെ നിലവിലുള്ള സമാധാനത്തെക്കുറിച്ചും മാറിയ സാഹചര്യത്തെക്കുറിച്ചും ലോകത്തോട് പറയുന്നു. നിരവധി പതിറ്റാണ്ടുകളായി, വിഘടനവാദം, തീവ്രവാദം, സ്വജനപക്ഷപാതം എന്നിവ കാരണം കശ്മീരും അവിടുത്തെ ജനങ്ങളും കഷ്ടപ്പെടേണ്ടി വന്നു. ഇന്ന് ജനങ്ങളുടെ ജീവിതത്തിൽ പ്രതീക്ഷയുടെ പ്രകാശകിരണം എത്തിയിരിക്കുന്നു. പല മേഖലകളിലും കശ്മീർ കുതിക്കുകയാണ് “ വർണർ മനോജ് സിൻഹ പറഞ്ഞു.