ഡോ. കെ.ബി. ഹെഡ്‌ഗേവാർ
ലഖ്‌നൗ: രാഷ്ട്രീയ സ്വയംസേവക് സംഘ് സ്ഥാപകനായ ഡോ. കെ.ബി. ഹെഡ്‌ഗേവാറിന് രാജ്യത്തെ പരമോന്നത സിവിലിയൻ ബഹുമതിയായ ഭാരതരത്ന പുരസ്‌കാരം നൽകണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് മുസ്ലീം സംഘടന കത്തയച്ചു. ജാമിയത്ത് ഹിമായത്തുൽ ഇസ്‌ലാം എന്ന സംഘടനയുടെ ദേശീയ അദ്ധ്യക്ഷൻ കാരി അബ്‌റാർ ജമാൽ ആണ് ഈ ആവശ്യമുന്നയിച്ച് പ്രധാനമന്ത്രിക്ക് കത്ത് നൽകിയത്.
ഡോ. ഹെഡ്‌ഗേവാർ രാജ്യത്തിന്റെ സാമൂഹിക, സാംസ്‌കാരിക, രാഷ്‌ട്ര നിർമ്മാണ മേഖലകളിൽ മഹത്തായ സംഭാവനകൾ നൽകിയിട്ടുണ്ടെന്ന് കത്തിൽ അബ്‌റാർ ജമാൽ ചൂണ്ടിക്കാട്ടി. അദ്ദേഹത്തിന്റെ കാഴ്ചപ്പാടുകളും പ്രവർത്തനങ്ങളും സമൂഹത്തിൽ ഐക്യം, അച്ചടക്കം, ദേശീയത എന്നീ വികാരങ്ങളെ ശക്തിപ്പെടുത്തി. ഹെഡ്‌ഗേവാർ സ്ഥാപിച്ച മഹത്തായ സംഘടനയ്ക്ക് ദേശീയതലത്തിൽ അംഗീകാരം ലഭിക്കുന്നത് വരും തലമുറയിൽ അദ്ദേഹത്തോടുള്ള ആദരവ് വർദ്ധിപ്പിക്കാൻ സഹായിക്കുമെന്നും ജമാൽ അഭിപ്രായപ്പെട്ടു.
ആർഎസ്എസ് ഒരു ദേശീയവാദ, സമാധാനപരമായ സംഘടനയാണെന്ന് താൻ തുടക്കം മുതൽ വിശ്വസിക്കുന്നുവെന്ന് ജമാൽ വ്യക്തമാക്കി. എന്നാൽ, കോൺഗ്രസ്, സമാജ്‌വാദി പാർട്ടി (എസ്പി) തുടങ്ങിയ കക്ഷികൾ രാഷ്ട്രീയ നേട്ടത്തിനായി മുസ്ലിം സമുദായത്തെ എപ്പോഴും ആർ.എസ്.എസിനെക്കുറിച്ച് ദുഷ്പ്രചരണങ്ങൾ നടത്തി വോട്ട് നേടാൻ ശ്രമിച്ചു. കോൺഗ്രസ് മുസ്ലിം സമൂഹത്തിൽ ആർ.എസ്.എസിനെക്കുറിച്ച് വലിയ തെറ്റിദ്ധാരണകൾ ഉണ്ടാക്കിയിട്ടുണ്ട്. ആ തെറ്റിദ്ധാരണകൾ ഇല്ലാതാക്കാനാണ് തങ്ങൾ ശ്രമിക്കുന്നതെന്നും അദ്ദേഹം കൂട്ടിച്ചേർത്തു.
കഴിഞ്ഞ 70 വർഷത്തിനിടെ കോൺഗ്രസ്, എസ്പി., ബിഎസ്പി. എന്നീ പാർട്ടികൾ മുസ്ലിം സമുദായത്തിന് ചെയ്തത്ര ദോഷം മറ്റാരും ചെയ്തിട്ടില്ലെന്ന് കാരി അബ്‌റാർ ജമാൽ കുറ്റപ്പെടുത്തി. ഈ പാർട്ടികൾ അധികാരത്തിലിരുന്നപ്പോൾ മുസ്ലിം യുവാക്കളുടെ കയ്യിൽ പേന നൽകുന്നതിനു പകരം ലാത്തിയും വടിയുമാണ് നൽകിയത്. 2013-ൽ പടിഞ്ഞാറൻ യുപിയിൽ നടന്ന മുസഫർനഗർ, മൊറാദാബാദ് കലാപങ്ങൾ പരാമർശിച്ചുകൊണ്ട്, ഈ പാർട്ടികൾ യുവാക്കളെ പ്രകോപിപ്പിക്കുകയും അവരുടെ വികാരങ്ങളെ ചൂഷണം ചെയ്യുകയുമാണ് ചെയ്തതെന്നും അദ്ദേഹം ആരോപിച്ചു.
രാജ്യത്തിനു വേണ്ടി പ്രവർത്തിക്കുന്ന പാർട്ടികളെ മാത്രമേ ആർഎസ്എസ് പിന്തുണയ്ക്കുകയുള്ളൂ എന്നും, ഭാവിയിൽ ബിജെപി ദേശീയ ദൗത്യത്തിൽ നിന്ന് വ്യതിചലിച്ചാൽ ആർഎസ്എസ് പിന്തുണ നൽകില്ലെന്നും, ബി.ജെ.പി. വഴി തെറ്റുമ്പോൾ ആർ.എസ്.എസ്. തിരുത്തി വഴി കാണിക്കാറുണ്ടെന്നും അദ്ദേഹം കൂട്ടിച്ചേർത്തു.
സിനിമ വിനോദത്തിനപ്പുറം സാമൂഹിക യാഥാർഥ്യങ്ങളിലേക്കും അവഗണിക്കപ്പെടുന്ന മനുഷ്യരുടെ ജീവിതാനുഭവങ്ങളിലേക്കും കടന്നുചെല്ലുമ്പോൾ അതിന്റെ ആവിഷ്കാരത്തിന് പുതിയ മാനങ്ങൾ കൈവരുന്നു. അത്തരമൊരു ശ്രമവുമായി…
ഭാരതത്തിന്റെ ജനാധിപത്യ സംവിധാനങ്ങളും തിരഞ്ഞെടുപ്പ് പ്രക്രിയയുടെ വിശ്വാസ്യതയും വീണ്ടും രാഷ്ട്രീയ ചർച്ചകളുടെ കേന്ദ്രത്തിലെത്തിയിരിക്കുകയാണ്. ചീഫ് ഇലക്ഷൻ കമ്മീഷണർ ഗ്യാനേഷ് കുമാറിനെതിരായ…
തിരുവനന്തപുരം : ശബരിമല ദര്‍ശനത്തിനുള്ള വെര്‍ച്വല്‍ ക്യൂ ബുക്കിങ് നിരക്ക് വര്‍ധിപ്പിക്കാനുള്ള തിരുവിതാംകൂര്‍ ദേവസ്വം ബോര്‍ഡിന്റെ നീക്കത്തിനെതിരെ ശക്തമായ പ്രതിഷേധവുമായി…
തിരുവനന്തപുരം : മാസപ്പടി കേസില്‍ പിണറായി വിജയന്റെ വാദങ്ങളെ പിന്തുണയ്ക്കുന്ന നിലപാട് സംസ്ഥാന സര്‍ക്കാര്‍ ഹൈക്കോടതിയില്‍ സ്വീകരിച്ചത് എല്‍.ഡി.എഫ് -…
ദുബൈ: ഇന്ത്യയില്‍ നിന്ന് സൗദി അറേബ്യയിലേക്കുള്ള വിമാന സര്‍വീസുകള്‍ തടസ്സപ്പെട്ട സാഹചര്യത്തില്‍, ഉംറ തീര്‍ത്ഥാടകര്‍ ഉള്‍പ്പെടെയുള്ള ഇന്ത്യന്‍ പൗരന്മാരുടെ സഹായത്തിനായി…
തിരുവനന്തപുരം : രമ്യാ ഹരിദാസ് എം.എല്‍.എയുടെ പേഴ്‌സണല്‍ സ്റ്റാഫില്‍ കൂട്ടരാജി. പേഴ്‌സണല്‍ അസിസ്റ്റന്റിന് (പി.എ) പിന്നാലെ ഡ്രൈവര്‍ കുഞ്ഞുമുഹമ്മദും രാജിക്കത്ത്…