ശബരിമല സന്ദർശിക്കാനെത്തുന്ന യുവതികൾ അർബൻ നക്സലുകൾ; കേന്ദ്ര മന്ത്രി വി മുരളീധരൻ

ശബരിമല ദർശനത്തിനു പോകുന്ന യുവതികൾ അർബൻ നക്സലുകളാണെന്ന് കേന്ദ്രമന്ത്രി വി മുരളീധരൻ. ശബരിമല കയറാൻ ആഗ്രഹിക്കുന്ന യുവതികൾ അരാജകവാദികളും നിരീശ്വരവാദികളുമായിരിക്കുമെന്നും അദ്ദേഹം പറഞ്ഞു.

ശബരിമല ദർശനത്തിന് ആഗ്രഹിക്കുന്ന യുവതികൾ ഭക്തരാണെന്ന് കരുതുന്നില്ല. തങ്ങൾ ശബരിമല ക്ഷേത്രത്തിൽ പോയതായി ചരിത്രത്തിൽ അവർക്ക് അടയാളപ്പെടുത്തണം. ഇവർ യഥാർത്ഥത്തിൽ ഭക്തരാണോ എന്ന കാര്യം പരിശോധിക്കേണ്ടതാണെന്നും മന്ത്രി പറഞ്ഞു.

കഴിഞ്ഞ ദിവസം മല ചവിട്ടാൻ, വിജയ വാഡയിൽ നിന്നെത്തിയ 10 അംഗ സംഘത്തെയാണ് പൊലീസ് തിരികെ അയചിരുന്നു. ആധാർ അടക്കമുള്ള രേഖകൾ പരിശോധിച്ച് ഇവർ 50 വയസ്സിനു മുകളിൽ ഉള്ളവരല്ലെന്ന് മനസ്സിലായതോടെയായിരുന്നു നടപടി.