തൃശൂര്: ശബരിമലയില് സുരക്ഷ സംവിധാനങ്ങള് കൂടുതല് ആധുനികവും ശക്തവുമാക്കാന് പൊലീസ് തീരുമാനിച്ചു. യുവതീ പ്രവേശനവുമായി ബന്ധപ്പെട്ട് കഴിഞ്ഞ മണ്ഡലകാലത്തുണ്ടായ പ്രശ്നങ്ങളും സംസ്ഥാനത്ത് വര്ധിച്ചുവരുന്ന തീവ്രവാദ ഭീഷണിയുമെല്ലാം കണക്കിലെടുത്താണ് ആധുനിക സുരക്ഷ സംവിധാനങ്ങള് സജ്ജമാക്കുന്നത്.
സ്ഫോടക വസ്തുക്കള് കണ്ടെത്താന് സഹായിക്കുന്ന എക്സ്പ്ലോസീവ് ഡിറ്റക്ടറുകള്, പോര്ട്ടബിള് എക്സ് റേ മെഷിനുകള്, വാഹനങ്ങളുടെ അടിഭാഗം പരിശോധിക്കാന് കഴിയുന്ന ബോട്ടം ഇന്സ്പെക്ഷന് മെഷിനുകള് എന്നിവയ്ക്കുള്ള ടെണ്ടറുകള് കേരള പൊലീസ് ക്ഷണിച്ചു കഴിഞ്ഞു. ശബരിമലയിലെ സുരക്ഷ സംവിധാനങ്ങള് കൂടുതല് ശക്തിപ്പെടുത്താന് വേണ്ടിയാണിതെന്ന് പൊലീസ് വ്യക്തമാക്കിയിട്ടുണ്ട്.
വിദേശ നിര്മിത ഉത്പന്നങ്ങളും വാങ്ങാന് ഉദ്ദേശിക്കുന്നുണ്ട്. വാഹനങ്ങളുടെ അടിഭാഗം സ്കാന് ചെയ്ത് പരിശോധിക്കാന് കഴിയുന്ന സംവിധാനം ഉപയോഗിച്ച് ശബരിമലയിലേക്കുള്ള എല്ലാ വാഹനങ്ങളും പരിശോധിക്കും. വാഹനത്തിനകത്ത് ഏതെങ്കിലും തരത്തിലുള്ള സ്ഫോടകവസ്തുക്കളോ മറ്റും ഒളിപ്പിച്ചു വച്ചിട്ടുണ്ടോ എന്ന് കണ്ടെത്താന് ഇത്തരം ബോട്ടം സ്കാന് സംവിധാനത്താല് സാധിക്കും. ശബരിമലയില് പഴുതടച്ച സുരക്ഷ സംവിധാനങ്ങള് ഒരുക്കിയാകും വരുന്ന മണ്ഡലകാലത്ത് ഭക്തരെ പ്രവേശിപ്പിക്കുയെന്ന് ഇതോടെ ഉറപ്പായി.
ആദിലാബാദ് : ആദ്യഭാര്യയെ വാട്സാപ്പ് വോയ്സ് മെസേജ് വഴി മുത്തലാഖ് ചൊല്ലിയ യുവാവ് അറസ്റ്റിൽ. തെലങ്കാന ആദിലാബാദ് സ്വദേശി കെ.ആർ.കെ…
കൊല്ക്കത്ത: ബംഗാള് മുഖ്യമന്ത്രി മമതാ ബാനര്ജി വോട്ട് ബാങ്ക് ലക്ഷ്യമിട്ട് മത-സാമൂഹിക സംഘടനകളെ ഭീഷണിപ്പെടുത്തുന്നുവെന്ന് പ്രധാനമന്ത്രി നരേന്ദ്ര മോദി. രാമകൃഷ്ണ…
കൊൽക്കത്ത : പശ്ചിമ ബംഗാളിൽ തെരഞ്ഞെടുപ്പിലെ രാഷ്ട്രീയനേട്ടങ്ങൾക്കായി ഗവർണർ സി വി ആനന്ദ ബോസിനെ തുടർച്ചയായി അപകീർത്തിപ്പെടുത്താനുള്ള ശ്രമങ്ങൾ മമത…
തിരുവനന്തപുരം: അഖിലേന്ത്യാ തലത്തിൽ ഒന്നാമതായിരുന്ന കേരള മോഡൽ ആരോഗ്യ വകുപ്പ് ഇന്ന് അനാഥമായി കുത്തഴിഞ്ഞു പോയെന്ന് കോൺഗ്രസ് പ്രവർത്തക സമിതി…