ഇന്ത്യയിൽ ഗ്യാലക്‌സി ഫോണുകൾ വാങ്ങുന്നവർക്ക് വമ്പൻ ഓഫറുകൾ പ്രഖ്യാപിച്ച് സാംസങ്

ദില്ലി: ഇന്ത്യയില്‍ തങ്ങളുടെ ഏറ്റവും പുതിയ രണ്ട് ഫോള്‍ഡബിള്‍ സ്മാര്‍ട്ട്ഫോണുകളില്‍ പുതിയ ഓഫറുകള്‍ പ്രഖ്യാപിച്ച് സാംസങ്.

സാംസങ്ങ് ഗ്യാലക്‌സി ഫോള്‍ഡ് 3, ഗ്യാലക്‌സി ഫ്‌ലിപ്പ് 3 എന്നിവ ഇപ്പോള്‍ വാങ്ങുന്നവര്‍ക്ക് 17,000 രൂപയുടെ ലാഭം വാഗ്ദാനം ചെയ്യുന്ന രണ്ട് ഓഫറുകളാണുള്ളത്. കൂടാതെ ഓഫറുകളില്‍ തല്‍ക്ഷണ ക്യാഷ്ബാക്കും ഗ്യാലക്സി ബഡ്സ് 2-ന്റെ ബണ്ടില്‍ഡ് ഡിസ്‌കൗണ്ടും ഉള്‍പ്പെടുന്നു.

എന്നാൽ ഇന്ന് മുതല്‍, സാംസങ്ങ് ഗ്യാലക്‌സി ഫോള്‍ഡ് 3, ഗ്യാലക്‌സി ഫ്‌ലിപ്പ് 3 വാങ്ങുന്ന ഉപഭോക്താക്കള്‍ക്കും 1,999 രൂപയ്ക്ക് ഗ്യാലക്‌സി ബഡ്‌സ് 2 വാങ്ങാം. സാംസങ്ങില്‍ നിന്നുള്ള ടിഡബ്ല്യുഎസ് ഇയര്‍ബഡുകള്‍ക്ക് യഥാര്‍ത്ഥത്തില്‍ 11,999 രൂപയാണ് വില, അതായത് ഗ്യാലക്സി ബഡ്സ് 2 നൊപ്പം മടക്കാവുന്ന സ്മാര്‍ട്ട്ഫോണുകള്‍ വാങ്ങാന്‍ ഉദ്ദേശിക്കുന്നെങ്കില്‍ വാങ്ങുന്നവര്‍ക്ക് 10,000 രൂപ ലാഭിക്കാം.

അതേസമയം എച്ച്ഡിഎഫ്സി ബാങ്ക് ഡെബിറ്റ് അല്ലെങ്കില്‍ ക്രെഡിറ്റ് കാര്‍ഡില്‍ 7,000 രൂപയുടെ അപ്ഗ്രേഡ് ബോണസ് അല്ലെങ്കില്‍ 7000 രൂപ തല്‍ക്ഷണം ക്യാഷ്ബാക്ക് നല്‍കുമെന്ന് സാംസങ് വ്യക്തമാക്കുന്നു.

മാത്രമല്ല ഗ്യാലക്സി ഇസഡ് ഫോള്‍ഡ് 3 അല്ലെങ്കില്‍ ഗ്യാലക്സി ഇസഡ് ഫ്‌ലിപ്പ് 3 കൈയിലെടുക്കാന്‍ പദ്ധതിയിടുന്നവര്‍ക്ക് മൊത്തം സേവിംഗ്‌സ് തുക ഇതോടെ 17,000 രൂപയായി മാറുന്നു.