കളി ക്രിക്കറ്റ്. കളിക്കാരുടെ വേഷം ധോത്തിയും കുർത്തയും. കളിയെക്കുറിച്ചുള്ള വിവരണം സംസ്കൃതത്തിലും. വാരണാസിയിലെ സംപൂര്ണനന്ദ് സംസ്കൃത വിദ്യാലയത്തിൻ്റെ നേതൃത്വത്തിലാണ് അപൂർവമായ ഈ ക്രിക്കറ്റ് കളി അരങ്ങേറിയത്. ഭാരതത്തിൻ്റെ സാംസ്കാരികത്തനിമയെ പരിപോഷിപ്പിക്കുക എന്ന ലക്ഷ്യമാണ് ഇത്തരമൊരു ക്രിക്കറ്റ് ടൂർണമെന്റ് നടത്തിയതിന് പിന്നിലെ പ്രചോദനമെന്ന് വിദ്യാലയത്തിന്റെ അധികൃതർ പറഞ്ഞു.
ധോത്തിയും കുർത്തയും ധരിച്ച് അനായാസമായാണ് കളിക്കാർ ബോളിങ്ങും ബാറ്റിങ്ങും ചെയ്യുന്നത്. കളിക്കാർക്കൊപ്പം അമ്പയറും പരമ്പരാഗതമായ വേഷമാണ് ധരിച്ചിരിക്കുന്നത്. അപകടം തടയാനുള്ള ഹെൽമറ്റോ ലെഗ്പാടോ ഒന്നും തന്നെ കളിക്കാർ ധരിച്ചിട്ടില്ല. ക്രിക്കറ്റ് കളിയിലെ വിചിത്രമായ ഈ ആചാരം കണ്ടു കാഴ്ചക്കാർ അമ്പരന്നു.സംസ്കൃത ക്രിക്കറ്റ് ടൂർണമെന്റ് എന്ന് പേരിൽ അറിയപ്പെടുന്ന ഈ ക്രിക്കറ്റ് മാച്ചിൽ മൊത്തം പത്ത് ഓവറുകളാണുള്ളത്. അഞ്ചു ടീമുകൾ പങ്കെടുക്കുന്ന ടൂർണമെന്റിന്റെ വ്യത്യസ്തതക്ക് വേണ്ടിയാണ് സംസ്കൃതത്തിൽ വിവരണം ഉൾപ്പെടുത്തിയത്.
വേദങ്ങളും ഉപനിഷത്തുകളും പഠിക്കുന്ന കുട്ടികൾ ഇനി ബാറ്റും ബോളും കൈയ്യിലെടുക്കട്ടെയെന്നും കായിക ശേഷി കുട്ടികളുടെ ഭാവിക്കു അനിവാര്യമാണെന്നും അധ്യാപകർ വിലയിരുത്തുന്നു. രാജ്യത്ത് ആദ്യമായാണ് പരമ്പരാഗത വേഷം ധരിച്ചുള്ള ക്രിക്കറ്റ് കളി അരങ്ങേറുന്നത്.
കശ്മീർ വിഷയത്തിൽ പാകിസ്ഥാനെ പരോക്ഷമായി അനുകൂലിക്കുന്നതിനാൽ തന്നെ തുർക്കിയുമായുള്ള ഭാരതത്തിന്റെ നയതന്ത്ര ബന്ധം താഴോട്ടാണ്. ജമ്മു കശ്മീരിൽ 2019-ൽ ആർട്ടിക്കിൾ…
നടുറോഡിലുണ്ടായ KSRTC ഡ്രൈവർ - മേയർ തർക്കത്തിൽ ഇടപെട്ട് മനുഷ്യാവകാശ കമ്മിഷൻ.ബസ് ഡ്രൈവർ യദുവിന്റെ പരാതിയിൽ കമ്മീഷൻ അന്വേഷണത്തിന് ഉത്തരവിട്ടു.…
ചരിത്ര പ്രസിദ്ധമായ പാണ്ഡവീയ മഹാവിഷ്ണു സത്രത്തിന് മെയ് 11 ന് തിരിതെളിയും. പരമപവിത്രമായ തിരുവൻവണ്ടൂർ മഹാവിഷ്ണു ക്ഷേത്രത്തിൽ മെയ് 18…
മുന്നറിയിപ്പില്ലാതെ കൂട്ട അവധിയെടുത്ത 14 ജീവനക്കാർക്കെതിരെ അച്ചടക്കനടപടി സ്വീകരിച്ച് കെഎസ്ആർടിസി. മുന്നറിയിപ്പില്ലാതെ പത്തനാപുരം യൂണിറ്റിൽ 2024 ഏപ്രിൽ 29, 30…