തിരുവനന്തപുരം : വയനാട്ടിലെ ഉരുള്പൊട്ടൽ ദുരന്ത മേഖലയിൽ ശാസ്ത്രജ്ഞര്ക്ക് വിലക്ക്. കേരളത്തിലെ ശാസ്ത്ര സാങ്കേതിക സ്ഥാപനങ്ങൾ ദുരന്തമേഖലയായി പ്രഖ്യാപിച്ച മേപ്പാടി പഞ്ചായത്തിലേക്ക് പഠനത്തിനോ സന്ദര്ശനത്തിനോ പോകരുതെന്നാണ് ഉത്തരവ്. ശാസ്ത്രജ്ഞരും ശാസ്ത്ര സാങ്കേതിക മേഖലയിലെ വിദഗ്ധരും മാദ്ധ്യമങ്ങളോട് അഭിപ്രായം പങ്കുവെക്കുകയോ മുന്പഠനങ്ങളുടെ വിവരങ്ങള് നല്കുകയോ ചെയ്യരുതെന്നും നിർദ്ദേശമുണ്ട്.
സംസ്ഥാന ദുരന്ത നിവാരണ അതോറിറ്റി ഇത് സംബന്ധിച്ച ഉത്തരവ് ശാസ്ത്ര സാങ്കേതിക കൗണ്സിലിന് കൈമാറി. വയനാട്ടിലെ മേപ്പാടി പഞ്ചായത്ത് ദുരന്ത ബാധിത മേഖലയായി പ്രഖ്യാപിച്ച സാഹചര്യത്തിലാണ് ഇത്തരമൊരു നിര്ദേശമെന്നാണ് ഉത്തരവിൽ പറയുന്നത്. ഭാവിയില് പഠനം നടത്തണമെങ്കില് ദുരന്തനിവാരണ അതോറിറ്റിയുടെ മുന്കൂര് അനുവാദം വാങ്ങണമെന്നും ഉത്തരവിലുണ്ട്.
