തിരക്കഥ പാസ്റ്ററുടേത്, നിർദ്ദേശം വാട്സാപ്പിൽ; ലക്ഷ്യം രാജ്യത്ത് ക്രിസ്ത്യൻ സമൂഹത്തിന് നേരെ വ്യാപകമായി ആക്രമണങ്ങൾ നടക്കുന്നുണ്ടെന്ന പ്രതീതി സൃഷ്ടിക്കൽ; അഭിനയ് ദർശന്റെ കള്ളക്കളി പൊളിച്ച് ആന്ധ്രാ പോലീസ്

അമരാവതി : ആന്ധ്രാപ്രദേശിൽ പാസ്റ്റർ അഭിനയ് ദർശന് നേരെ നടന്ന ആക്രമണം കെട്ടിച്ചമച്ച നാടകമായിരുന്നുവെന്ന് ആന്ധ്രാപ്രദേശ് പോലീസ്. സംസ്ഥാനത്ത് ക്രിസ്ത്യൻ സമൂഹത്തിന് നേരെ വ്യാപകമായി ആക്രമണങ്ങൾ നടക്കുന്നുണ്ടെന്ന പ്രതീതി സൃഷ്ടിക്കാനും, പൊതുജനങ്ങളിൽ നിന്നും വിശ്വാസികളിൽ നിന്നും സഹതാപം പിടിച്ചുപറ്റാനും വേണ്ടി പാസ്റ്റർ അഭിനയ് തന്നെ ആസൂത്രണം ചെയ്തതായിരുന്നു ഈ ആക്രമണമെന്ന് പോലീസ് അന്വേഷണത്തിൽ കണ്ടെത്തി.

തനിക്ക് നേരെ ആക്രമണം നടത്തുന്നതിനായി പാസ്റ്റർ അഭിനയ് മൂന്ന് പേരെ വാടകയ്‌ക്കെടുക്കുകയായിരുന്നുവെന്ന് വ്യക്തമാക്കുന്ന ശാസ്ത്രീയമായ തെളിവുകൾ പോലീസ് കണ്ടെടുത്തു. ആക്രമണം എങ്ങനെ നടത്തണം, ഏത് സമയത്ത് വേണം, ഏത് ലൊക്കേഷനിൽ വെച്ച് വേണം തുടങ്ങിയ കൃത്യമായ നിർദ്ദേശങ്ങൾ പാസ്റ്റർ അഭിനയ് തന്നെ ഈ ക്വട്ടേഷൻ സംഘത്തിന് വാട്സാപ്പ് വോയ്സ് മെസ്സേജുകളിലൂടെ വിശദമായി കൈമാറുകയായിരുന്നു. ഈ ഡിജിറ്റൽ സന്ദേശങ്ങൾ പോലീസ് ശേഖരിച്ചതോടെയാണ് ആസൂത്രിതമായി കെട്ടിച്ചമച്ച അക്രമ സംഭവത്തിന്റെ യഥാർത്ഥ ചുരുളഴിഞ്ഞത്. പ്രത്യേക ലക്ഷ്യങ്ങളോടെ സംസ്ഥാനത്തെ ക്രമസമാധാന നിലയെയും ജനവികാരത്തെയും തെറ്റിദ്ധരിപ്പിക്കാൻ നടത്തിയ ഈ ഗൂഢാലോചന പുറത്തുവന്നത് നിലവിൽ വലിയ തോതിലുള്ള ചർച്ചകൾക്കാണ് വഴിതുറന്നിരിക്കുന്നത്.