ലോകത്തെ ആശങ്കയിലാഴ്ത്തിയ ഇസ്രായേൽ-ഹമാസ് സംഘർഷത്തിന്റെ വിവിധ വശങ്ങൾ ചർച്ച ചെയ്യുന്ന സെമിനാർ ഇന്ന്; നേതി നേതി ഫൗണ്ടേഷൻ സംഘടിപ്പിക്കുന്ന സെമിനാറിൽ പങ്കെടുക്കുക പ്രഗത്ഭരായ വിഷയ വിദഗ്‌ധർ; ലോകമെമ്പാടുമുള്ള പ്രേക്ഷകരിലേക്ക് സെമിനാർ തത്സമയം എത്തിക്കാൻ തത്വമയി നെറ്റ്‌വർക്ക്

തിരുവനന്തപുരം: ലോകം ആശങ്കയോടെ നോക്കിക്കാണുന്ന ഇസ്രായേൽ-ഹമാസ് സംഘർഷത്തിന്റെ വിവിധ വശങ്ങൾ ചർച്ച ചെയ്യുന്ന നേതി നേതി ഫൗണ്ടേഷൻ സംഘടിപ്പിക്കുന്ന സെമിനാർ ഇന്ന്. വൈകുന്നേരം നാലുമണിക്ക് തിരുവനന്തപുരം പ്രസ്ക്ലബ് പി സി ഹാളിലാണ് സെമിനാർ നടക്കുക. ചുരുളഴിയുന്ന ഇസ്രായേൽ ഹമാസ് സംഘർഷം: ഒരു ബഹുമുഖ വീക്ഷണം എന്ന വിഷയത്തിലാണ് സെമിനാർ. മുതിർന്ന മാദ്ധ്യമ പ്രവർത്തകൻ ജി കെ സുരേഷ്ബാബു മോഡറേറ്റർ ആകുന്ന സെമിനാറിൽ റിട്ടയേർഡ് കേണൽ എസ് ഡിന്നി, സാമ്പത്തിക വിദഗ്ധനും, ചാർട്ടേർഡ് അക്കൗണ്ടന്റുമായ രഞ്ജിത്ത് കാർത്തികേയൻ, രാഷ്ട്രീയ നിരീക്ഷകൻ ഡോ. ഫക്രുദിൻ അലി, തുടങ്ങിയവർ വിഷയങ്ങൾ കൈകാര്യം ചെയ്യും. റിട്ടയേർഡ് ഐ പി എസ് ഓഫീസർ എസ് ഗോപിനാഥ് സ്വാഗതം ആശംസിക്കും. വിഷയ വിദഗ്ധർ പങ്കെടുക്കുന്ന വിജ്ഞാനപ്രദമായ സെമിനാറിന്റെ തത്സമയ സംപ്രേക്ഷണം വൈകുന്നേരം 04.30 മുതൽ തത്വമയി നെറ്റ്‌വർക്കിൽ ഉണ്ടായിരിക്കും.

Live Link http://bit.ly/40h4lfn

തീവ്രവാദത്തിന്റെ പുതിയ രൂപങ്ങളും ദേശീയ സുരക്ഷയും എന്ന വിഷയത്തിലാണ് കേണൽ ഡിന്നിയുടെ പ്രഭാഷണം. സാമ്പത്തിക പരിഹാരങ്ങളും സ്ഥിതി വിവരക്കണക്കുകളും എന്ന വിഷയത്തിൽ രഞ്ജിത്ത് കാർത്തികേയനും ആഗോള പ്രത്യാഘാതങ്ങളും അന്താരാഷ്‌ട്ര ബന്ധങ്ങളും എന്ന വിഷയത്തിൽ ഫക്രുദിൻ അലിയും സംസാരിക്കും. സമകാലിക വിഷയങ്ങളിൽ വിജ്ഞാനപ്രദമായ സെമിനാറുകൾ സംഘടിപ്പിച്ച് ശ്രദ്ധേയമാകുകയാണ് നേതി നേതി ഫൗണ്ടേഷൻ. ചന്ദ്രയാൻ 03 പദ്ധതിയെ കുറിച്ചുള്ള വിവിധ വശങ്ങൾ ചർച്ച ചെയ്‌ത സെമിനാർ ഏറെ ശ്രദ്ധനേടിയിരുന്നു.