കോഴിക്കോട് ഭീകരാക്രമണം;ഷാരൂഖ് സെയ്‌ഫിയെ ഇന്ന് തെളിവെടുപ്പിനായി കൊണ്ടുപോകും,പ്രതിയുടെ വീട്ടിൽ വീണ്ടും കേരളാ പോലീസിന്റെ പരിശോധന

എലത്തൂർ: കോഴിക്കോട് ഭീകരാക്രമണക്കേസിലെ പ്രതി ഷാരൂഖ് സെയ്‌ഫിയെ തെളിവെടുപ്പിനായി ഇന്ന് കൊണ്ട് പോകും.കസ്റ്റഡിയിൽ കിട്ടി ദിവസങ്ങൾ ആയിട്ടും തെളിവെടുപ്പ് നടത്തുന്നത് ഇന്നാണ്.വ്യക്തമായ മറുപടികൾ ഒന്നും തന്നെ പ്രതിയിൽ നിന്ന് ലഭിക്കാത്ത സാഹചര്യത്തിലാണ് തെളിവെടുപ്പ് വൈകിയത്. വ്യക്തമായ ഉത്തരങ്ങൾ നൽകാതെ പ്രതി ഒഴിഞ്ഞ് മാറുകയാണ്.പുറത്ത് നിന്ന് സഹായം കിട്ടിയോ എന്നതിനെക്കുറിച്ച് വ്യക്തമായ മറുപടിയൊന്നും തന്നെ ഷാരൂഖ് സെയ്‌ഫി പോലീസിന് നൽകിയില്ല.ആരോഗ്യ പ്രശ്നങ്ങൾ ഒന്നുംതന്നെ ഇല്ലാത്ത ഷാരൂഖ് സെയ്ഫി ബോധപൂർവം ആരോഗ്യപ്രശ്നനങ്ങൾ കാണിക്കുകയും അസ്വസ്ഥതകൾ സൃഷ്ടിച്ച് ഒഴിഞ്ഞ് മാറുകയുമാണ് ചെയ്യുന്നത്.

അതെ സമയം ഷഹീൻ ബാഗിലുള്ള ഷാരൂഖിൻ്റെ വീട്ടിൽ കേരള പൊലീസ് വീണ്ടും പരിശോധന നടത്തി.
ഷാരൂഖിന് ഏതെങ്കിലും നിരോധിത സംഘടനയുമായി ബന്ധമുണ്ടോ എന്ന കാര്യമാണ് അന്വേഷണ സംഘം പരിശോധിക്കുന്നത്. ഷഹീൻ ബാഗ് കേന്ദ്രീകരിച്ച് നടന്ന സമരങ്ങളിൽ അടക്കം ഇയാൾ പങ്കാളിയായിരുന്നോ എന്ന കാര്യത്തിലും വിവരങ്ങൾ തേടിയിട്ടുണ്ട്. കൂടാതെ ഇയാൾക്ക് മലയാളികളുമായി ബന്ധമുണ്ടായിരുന്നോ എന്നതിലാണ് ഇപ്പോൾ കാര്യമായ അന്വേഷണം നടക്കുന്നത്. ദില്ലിയിലെ അന്വേഷണ സംഘത്തിലേക്ക് കൂടൂതൽ പേരെയും ഉൾപ്പെടുത്തിയിട്ടുണ്ട്. ദില്ലി റെയിൽ വേ സ്റ്റേഷനിൽ നിന്ന് ഷാറൂഖ് ട്രെയിൻ കയറി പോകുന്ന സിസിടിവി ദൃശ്യങ്ങൾ അന്വേഷണ സംഘത്തിന് ലഭിച്ചതായാണ് സൂചന.