കോഴിക്കോട്: ഈസ്റ്റ് മൂഴിക്കലിൽ പതിനാറുകാരിയെ കൊലപ്പെടുത്തിയ ശേഷം ബന്ധുവായ യുവാവ് ജീവനൊടുക്കിയ സംഭവത്തിൽ നടുക്കുന്ന വിവരങ്ങൾ പുറത്ത്. കൊലപാതകം കൃത്യമായ ആസൂത്രണത്തോടെയാണ് നടത്തിയതെന്ന് പൊലീസ് സ്ഥിരീകരിച്ചു. ചാത്തമംഗലം സ്വദേശിനിയായ നസ്രിനയാണ് കൊല്ലപ്പെട്ടത്. പ്രതിയായ അദ്നാൻ കടുത്ത പകയോടെയാണ് വീട്ടിലെത്തിയതെന്നും ശ്വാസം മുട്ടിച്ചാണ് പെൺകുട്ടിയെ കൊലപ്പെടുത്തിയതെന്നും അന്വേഷണത്തിൽ വ്യക്തമായി.
കൊലപാതകം നടന്ന രാത്രി 7.48-ഓടെയാണ് അദ്നാൻ നസ്രിനയുടെ വീട്ടിലെത്തിയത്. ആരും ശ്രദ്ധിക്കാത്ത രീതിയിൽ അടുക്കള ഭാഗത്തെ സിസിടിവി ക്യാമറകൾ തിരിച്ചു വെച്ച ശേഷം പിൻവാതിൽ വഴിയാണ് ഇയാൾ അകത്തുകയറിയത്. രാത്രി എട്ട് മണിയോടെ പെൺകുട്ടിയുടെ മുറിയിൽ നിലയുറപ്പിച്ച ഇയാൾ, പുലർച്ചെയോടെ നസ്രിനയെ ഷാൾ ഉപയോഗിച്ച് കഴുത്തുഞെരിച്ചു കൊലപ്പെടുത്തുകയായിരുന്നു. വീട്ടിൽ കള്ളൻ കയറിയെന്ന് കരുതി വീട്ടുകാർ നടത്തിയ പരിശോധനയിലാണ് മുകൾ നിലയിലെ കിടപ്പുമുറിയിൽ നസ്രിനയെ അബോധാവസ്ഥയിൽ കണ്ടെത്തിയത്. സംഭവസമയത്ത് പെൺകുട്ടിയുടെ അമ്മയും മുത്തശ്ശിയും സഹോദരങ്ങളും വീട്ടിലുണ്ടായിരുന്നു.
പെൺകുട്ടിയെ കൂടാതെ മുത്തശ്ശിയെയും ശ്വാസം മുട്ടിച്ചു കൊലപ്പെടുത്താൻ അദ്നാൻ ശ്രമിച്ചതായി പൊലീസിന് സൂചന ലഭിച്ചിട്ടുണ്ട്. അബോധാവസ്ഥയിലായ നസ്രിനയുമായി വീട്ടുകാർ ആശുപത്രിയിലേക്ക് പോയ സമയത്ത് അദ്നാനെ മറ്റൊരു മുറിയിൽ പൂട്ടിയിട്ടിരിക്കുകയായിരുന്നു. എന്നാൽ ആശുപത്രിയിൽ നിന്ന് മടങ്ങിയെത്തിയ വീട്ടുകാർ കണ്ടത് മുഖത്ത് സെല്ലോ ടേപ്പ് ചുറ്റി മരിച്ച നിലയിലുള്ള അദ്നാനെയാണ്. പ്രതിയുടെ സ്വഭാവദൂഷ്യത്തെ പെൺകുട്ടി ചോദ്യം ചെയ്തതിലുള്ള പകയാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.
ഇരുവരും സഹോദരിമാരുടെ മക്കളാണ്. നേരത്തെ നസ്രിനയുടെ വീട്ടിൽ താമസിച്ചു പഠിച്ചിരുന്ന അദ്നാൻ അടുത്തിടെയാണ് കുടുംബവുമായി പിണങ്ങി പിരിഞ്ഞത്. വീട്ടിൽ നിന്ന് പണം മോഷ്ടിച്ചതിനെ ചൊല്ലിയും ഇവർക്കിടയിൽ തർക്കങ്ങൾ നിലനിന്നിരുന്നതായി നാട്ടുകാർ മൊഴി നൽകിയിട്ടുണ്ട്. സംഭവത്തിൽ വിശദമായ അന്വേഷണം നടത്തിവരികയാണെന്നും മറ്റു ദുരൂഹതകൾ ഉണ്ടോ എന്ന് പരിശോധിക്കുമെന്നും പൊലീസ് അറിയിച്ചു.
മണ്ഡല-മകരവിളക്ക് തീർത്ഥാടന കാലയളവിൽ ശബരിമലയിൽ ദർശനത്തിനായി ഓൺലൈൻ വഴി സ്ലോട്ടുകൾ ബുക്ക് ചെയ്യുന്ന ഭക്തരുടെ എണ്ണവും യഥാർത്ഥത്തിൽ സന്നിധാനത്ത് എത്തുന്ന…
ഭാരതത്തിന്റെ സനാതന സാംസ്കാരിക പൈതൃകത്തിന്റെ പ്രതീകമായ പ്രശസ്തമായ ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക പൊങ്കാല മഹോത്സവത്തിന് മുന്നോടിയായുള്ള നിലവറദീപം…
1969-ലെ ഉഡുപ്പി സമ്മേളനത്തിൽ എല്ലാ ധർമ്മാചാര്യന്മാരും ഒരേ സ്വരത്തിൽ നൽകിയ സാമൂഹിക സമരസതയുടെ മഹത്തായ ആഹ്വാനം പൂർണ്ണതയിൽ നടപ്പിലാക്കാൻ രാഷ്ട്രീയ…
മുസ്ലിം യൂത്ത് ലീഗ് നേതാവായിരുന്ന അരിയിൽ അബ്ദുൾ ഷുക്കൂർ കൊല്ലപ്പെട്ട കേസിൽ പതിന്നാലര വർഷത്തെ നിയമപോരാട്ടങ്ങൾക്ക് ശേഷം കൊച്ചി സി.ബി.ഐ.…
വിരമിച്ചശേഷം പി.എഫ് അക്കൗണ്ടിലുള്ള മുഴുവൻ തുകയും ഒറ്റത്തവണയായി പിൻവലിക്കാതെ, നിശ്ചിത ഇടവേളകളിൽ ഗഡുക്കളായി കൈപ്പറ്റാൻ അവസരമൊരുക്കുന്ന പുതിയ പദ്ധതിക്ക് എംപ്ലോയീസ്…
ശബരിമല തീർത്ഥാടനവുമായി ബന്ധപ്പെട്ട തിരുവാഭരണഘോഷയാത്ര കടന്നുപോകുന്ന പരമ്പരാഗത പാതയിലെ കൈയേറ്റങ്ങൾ ഒഴിപ്പിക്കണമെന്ന ആവശ്യവുമായി തിരുവാഭരണപാത സംരക്ഷണ സമിതി. മകരസംക്രാന്തി ദിനത്തിൽ…