വീണ്ടും നടുങ്ങി യൂറോപ്പ് !ചെക് റിപ്പബ്ലിക്ക് തലസ്ഥാനത്തെ സർവകലാശാലയിൽ വെടിവയ്പ്പ് ! നിരവധിപേർ കൊല്ലപ്പെട്ടു

പ്രാഗ് : ചെക് റിപ്പബ്ലിക്കിലെ പ്രാഗിൽ സർവകലാശാലയിലുണ്ടായ വെടിവയ്പ്പിൽ നിരവധിപ്പേർ കൊല്ലപ്പെട്ടതായി വിവരം. നിരവധി പേർക്ക് പരുക്കേറ്റു. ചാൾസ് സർവകലാശാലയുടെ ഫാക്കൽറ്റി ഓഫ് ആർട്സിലാണ് വെടിവയ്പ്പുണ്ടായത്. ആക്രമത്തെത്തുടന്ന് വിദ്യാർഥികളുൾപ്പെടെയുള്ളവർ ഓടി രക്ഷപ്പെടുന്നതിന്റെ ദൃശ്യങ്ങൾ പുറത്തുവന്നു. അക്രമിയെ പോലീസ് വെടിവെച്ചു കൊന്നു. ആക്രമത്തിൽ എത്രപേർ കൊല്ലപ്പെട്ടുവെന്ന് സ്ഥിരീകരിച്ചിട്ടില്ല.

ചാൾസ് യൂണിവേഴ്‌സിറ്റിയിലെ ഫിലോസഫി ഡിപ്പാർട്ട്‌മെന്റ് ഒഴിപ്പിച്ചതായി പ്രാഗ് മേയർ ബോഹുസ്ലാവ് സ്വബോഡ പറഞ്ഞു. പുറത്തിറങ്ങുന്നത് ഒഴിവാക്കി വീടിനുള്ളിൽ തന്നെ തുടരണമെന്ന് പ്രദേശവാസികൾക്ക് നിർദേശം നൽകിയിട്ടുണ്ട്. റിപ്പബ്ലിക്കിന്റെ തലസ്ഥാനത്ത് അരങ്ങേറിയ വെടിവയ്പ്പ് ഗൗരവപരമായാണ് കണക്കാക്കുന്നത്.