സിന്ധു സൂര്യകുമാറിന്റെ ഹിന്ദു വിരുദ്ധ പരാമർശം!മേലാൽ ആവർത്തിക്കരുതെന്ന് താക്കീത് നൽകി രാജീവ് ചന്ദ്രശേഖർ

തിരുവനന്തപുരം : ലോകത്തിന്റെ പല കോണുകളിൽ നിന്നും ലക്ഷകണക്കിന് ഭക്തർ ഒത്തുകൂടിയ മഹാകുംഭമേളയെ അവഹേളിച്ച ഏഷ്യാനെറ്റ് ന്യൂസിനും അവതാരകർക്കും നേരെ സോഷ്യൽ മീഡിയയിൽ നിരവധി ആരോപണങ്ങൾ ഉയരുന്നു.ഏഷ്യാനെറ്റിലെ വാർത്താ അവലോകന പരിപാടിയിക്കിടെ മഹാകുംഭമേളയെ അധിക്ഷേപിച്ചുകൊണ്ടുള്ള നിരീക്ഷണത്തിനെതിരെയാണ് ശക്തമായ പ്രതിഷേധം ഉയരുന്നത് . അവലോകന പരിപാടി അവതരിപ്പിച്ച അവതാരക സിന്ധുസൂര്യകുമാറിനെതിരയും ഏഷ്യാനെറ്റ് ന്യൂസിനെതിരെയും സമൂഹമാദ്ധ്യമങ്ങളിൽ പ്രതിഷേധം ശക്തമാണ്.ഹിന്ദുവികാരവും ആചാരാനുഷ്ഠാന താല്‍പര്യവും കുംഭമേളാസ്നാന തല്‍പരതയുമൊക്കെ മലയാളികള്‍ക്കുണ്ടായതിലുള്ള അതീവ ദു:ഖമാണ് ഏഷ്യാനെറ്റ് പരിപാടിയിലൂടെ അവതരിപ്പിക്കുന്നത്.അതായത് നൂറു ശതമാനം സാക്ഷരത നേടിയവർ കുംഭമേളയിൽ പോയി സ്നാനം ചെയ്തത് എന്തോ അപമാനം എന്നാണ് പരിപാടിയിലൂടെ പറയുന്നത് .

എന്നാൽ ഇപ്പോൾ വിമർശനത്തെ തുടർന്ന് വിഷയത്തിൽ മറുപടിയുമായി ചാനൽ മേധാവി രാജീവ് ചന്ദ്രശേഖർ രംഗത്തെത്തി.‘മഹാകുംഭമേളയെ പരിഹസിക്കും വിധം പരിപാടി അവതരിപ്പിച്ചതായി നിരവധി പേർ പരാതി ഉന്നയിച്ചുവെന്നും , അത് തന്നെ വേദനിപ്പിച്ചെന്നും രാജീവ് ചന്ദ്രശേഖർ എക്സിൽ കുറിച്ചു.
അവിടെ ഉണ്ടായിരുന്ന കോടിക്കണക്കിന് ഭക്തരിൽ എന്റെ കുടുംബവും ഉണ്ടായിരുന്നു. ഞാൻ ഇത് ചാനൽ നേതൃത്വത്തിന്റെ ശ്രദ്ധയിൽപ്പെടുത്തി . ലക്ഷക്കണക്കിന് ഭക്തർ വിശ്വാസം അർപ്പിക്കുന്ന ഒരു സംഗമത്തെ കുറിച്ച് അശ്രദ്ധമായി പ്രസ്താവനകൾ നടത്തുകയോ, പരിഹസിക്കുകയോ ചെയ്യരുതെന്നും നിർദേശിച്ചിട്ടുണ്ട്.
ഏതൊരു മതത്തിലെയും പോലെ, ഓരോ ഹിന്ദുവിനും സ്വന്തം വിശ്വാസം പ്രധാനമാണ്. രാജ്യത്തുടനീളവും , കേരളത്തിലുമുള്ള കോടിക്കണക്കിന് ഹിന്ദുക്കളുടെയും വിശ്വാസം , ബഹുമാനിക്കപ്പെടണമെന്ന് ഞങ്ങൾ ആഗ്രഹിക്കുന്നുവെന്ന് അദ്ദേഹം വ്യക്തമാക്കി .