തിരുവനന്തപുരം : ചിങ്ങ മാസത്തിലെ രോഹിണി നക്ഷത്രത്തിലെ അഷ്ടമി ദിനമായ ഇന്ന് ശ്രീകൃഷ്ണജയന്തി ആഘോഷിക്കുകയാണ് ലോകമെമ്പാടുമുള്ള ഭക്തർ. ഈ പുണ്യ ദിനത്തിലാണ് ഭഗവാൻ ശ്രീകൃഷ്ണൻ ജനിച്ചതായി കണക്കാക്കപ്പെടുന്നത്.
ശ്രീകൃഷ്ണജയന്തി ആഘോഷങ്ങളുടെ ഭാഗമായി മുൻ വർഷങ്ങളിലേതു പോലെ പാളയം മഹാ ഗണപതി ക്ഷേത്ര സന്നിധിയിൽ നിന്നും വൈകുന്നേരം 4 മണിക്ക് ആരംഭിക്കുന്ന ഘോഷയാത്ര ആരംഭിക്കും.
ഘോഷയാത്രയിൽ പങ്കെടുക്കുന്ന ഉണ്ണികണ്ണൻ മാർക്കും ഗോപികമാര്ക്കും വിതരണത്തിനായി ആറ്റുകാൽ ഭഗവതി ക്ഷേത്രത്തിലെ ശ്രീകൃഷ്ണജയന്തി പ്രസാദമായി നൽകിയിട്ടുള്ള അപ്പവും അവലും പ്രസാദം 10000 പാക്കറ്റുകളിൽ നിറയ്ക്കാനുള്ള പ്രവർത്തനങ്ങളിൽ മുഴുകിയിരിക്കുകയാണ് ബാലഗോകുലം സംഘപരിവാർ പ്രവർത്തകർ .
ജി എസ് മണി, ആർ സി ബീന എന്നിവരുടെ നേതൃത്വത്തിലാണ് പ്രവർത്തകർ കൈയ് മെയ് മറന്ന് പ്രവർത്തിക്കുന്നത്. കഴിഞ്ഞ 42 വർഷമായി ഈ പുണ്യ കർമ്മം ഇവർ ചെയ്തുകൊണ്ടിരിക്കുന്നു.
പാളയം മഹാ ഗണപതി ക്ഷേത്ര സന്നിധിയിൽ നിന്നും ആരംഭിക്കുന്ന ഘോഷയാത്രയുടെ ആദ്യാവസാന നിമിഷങ്ങൾ തത്സമയമായി ലോകമെമ്പാടുമുള്ള ഭക്തർക്ക് വീക്ഷിക്കാവുന്നതാണ്.
വൈകുന്നേരം മൂന്ന് മണി മുതൽ തത്സമയക്കാഴ്ചകൾക്കായി താഴെ കൊടുത്തിരിക്കുന്ന ലിങ്കിൽ പ്രവേശിക്കാവുന്നതാണ്
