പ്രജ്ഞാ പ്രവാഹ്‌ ദേശീയ സംയോജക് ജെ നന്ദകുമാറിന്റെ സ്ട്രഗിൾ ഫോർ നാഷണൽ സെൽഫ്ഹുഡിന്റെ പ്രീപബ്ലിക്കേഷൻ ബുക്കിങ് നിർത്തിവച്ച് ആമസോൺ; സ്വാതന്ത്ര്യ സമരത്തെ കുറിച്ചുള്ള പുസ്തകത്തിന് രാജ്യമെങ്ങും ആവേശോജ്ജ്വല പ്രതികരണം; ബുക്കിംഗ് നിർത്തിവച്ച ആമസോണിനെതിരെ പ്രതിഷേധം ശക്തം

ദില്ലി: സ്വാതന്ത്ര്യസമരത്തെ ആസ്പദമാക്കി പ്രജ്ഞാ പ്രവാഹ് ദേശീയ കൺവീനർ ജെ. നന്ദകുമാർ രചിച്ച ‘സ്ട്രഗിൾ ഫോർ നാഷണൽ സെൽഫ്ഹുഡ്’ എന്ന പുസ്തകത്തിന്റെ പ്രീ പബ്ലിക്കേഷൻ ബുക്കിങ് നിർത്തിവച്ച ആമസോണിന്റെ നടപടി വിവാദത്തിലാകുന്നു. പ്രീപബ്ലിക്കേഷൻ പ്രഖ്യാപിച്ചതിന് പിന്നാലെ നൂറു കണക്കിന് ബുക്കിങ്ങുകൾ നടന്നതോടുകൂടിയാണ് ആമസോണിന്റെ ഇത്തരത്തിലെ നടപടി. ഇതോടെ ഇതിനെതിരെ പ്രസാധകരായ ഇൻഡസ് സ്‌ക്രോൾസ് പ്രസ് രംഗത്തെത്തി.

പുസ്തകത്തിന്റെ പ്രീപബ്ലിക്കേഷൻ പ്രഖ്യാപിച്ചതോടെ രാജ്യമെങ്ങും വലിയ പ്രതികരണമാണ് ലഭിച്ചതെന്നും അതാണ് ബുക്കിങ് വൻതോതിൽ നടക്കാൻ കാരണമെന്നും ഇൻഡസ് സ്‌ക്രോൾസ് ഉടമ ജി. ശ്രീദത്തൻ പ്രതികരിച്ചു. എന്നാൽ ബു ക്കിങ് നിർത്തിവെച്ച ആമസോണിന്റെ നടപടി യോജിക്കാവുന്നതല്ല. ബുക്കിങ് പുനരാരംഭിക്കണമെന്നാവശ്യപ്പെട്ട് അവർക്ക് കത്തയച്ചിട്ടുണ്ടെന്നും ജി. ശ്രീദത്തൻ കൂട്ടിച്ചേർത്തു. ആമസോണിന്റെ നടപടിക്കെതിരെ നിരവധി പ്രമുഖർ സാമൂഹ്യ മാധ്യമങ്ങളിലൂടെയും പ്രതിഷേധവുമായും രംഗത്ത് എത്തിയിട്ടുണ്ട്.