ബെംഗളൂരു: കർണാടകയിൽ യുവാവിന് മൂര്ഖന്റെ കടിയേറ്റു. മാസ് സെയ്ദ് എന്ന യുവാവിനാണ് കടിയേറ്റത്. പാമ്പ് പ്രേമിയായ സെയ്ദ് മൂന്ന് പാമ്പുകളുമായി സാഹസികത കാണിച്ചുകൊണ്ടിരിക്കുമ്പോഴാണ് മൂര്ഖന്റെ കടിയേറ്റത്.
This is just horrific way of handling cobras…
The snake considers the movements as threats and follow the movement. At times, the response can be fatal pic.twitter.com/U89EkzJrFc— Susanta Nanda IFS (@susantananda3) March 16, 2022
എന്നാൽ മൂന്ന് മൂര്ഖന് പാമ്പുകളെ എങ്ങനെ ഒരുമിച്ച് കൈകാര്യം ചെയ്യാമെന്ന് ചിത്രീകരിക്കുന്നതിനിടെയാണ് കാല്മുട്ടിന് മുകളില് കടിയേറ്റത്. സംഭവത്തിന് പിന്നാലെ വീഡിയോയും സോഷ്യൽമീഡിയയിൽ പ്രചരിക്കുന്നുണ്ട്.
അതേസമയം അശാസ്ത്രീയമായ രീതിയില് പാമ്പിനെ പിടിക്കുന്ന സെയ്ദിന്റെ പ്രവര്ത്തിക്കെതിരെ മൃഗസ്നേഹികള് രംഗത്തെത്തി. കാല്മുട്ടിന് സമീപം ആഞ്ഞുകടിച്ച പാമ്പ് കുടഞ്ഞ് വലിച്ചെറിയാന് ശ്രമിച്ചിട്ടും പിടിവിട്ടില്ല. ഇതോടെ പാമ്പുകള്ക്ക് ഭീഷണിയാണെന്ന് തോന്നുന്ന ആംഗ്യം കാണിച്ചതിനാലാണ് ആക്രമിച്ചതെന്നും ഇവർ പറഞ്ഞു.
ഉടനെ തന്നെ മാസ് സെയ്ദിനെ ആശുപത്രിയില് പ്രവേശിപ്പിച്ചെന്നും അപകട നില തരണം ചെയ്തെന്നും ഹീലിംഗ് ആന്ഡ് എജ്യുക്കേഷന് സൊസൈറ്റിയുടെ പ്രസിഡന്റും സ്ഥാപകയുമായ പ്രിയങ്ക കദം പറഞ്ഞു. എന്നാൽ മാരകവിഷമുള്ള മൂര്ഖനാണ് ഇയാളെ കടിച്ചത്. 46 ആന്റി വെനം കുപ്പികള് കുത്തിവെച്ചാണ് ഇയാളെ ജീവിതത്തിലേക്ക് തിരികെ കൊണ്ടുവന്നതെന്നും പ്രിയങ്ക കദം വ്യക്തമാക്കി.
