പ്രായം വെറും നമ്പർ: ഈ ചിത്രങ്ങൾ തമ്മിൽ 13 വർഷത്തിന്റെ ഇടവേള, നിങ്ങൾക്ക് വിശ്വസിക്കാനാവുമോ?; ആരാധകരെ ഞെട്ടിച്ച് സുഹാസിനി

തെന്നിന്ത്യയുടെ എന്നത്തേയും പ്രിയനടിയും സംവിധായകയുമാണ് സുഹാസിനി മണിരത്നം. 1980 കളിലെ നായികാ പദവിയിൽ തിളങ്ങിയ സുഹാസിനി പിന്നീട് അമ്മ വേഷങ്ങളുമായി മലയാള സിനിമയിൽ മടങ്ങി വരവ് നടത്തുകയും ചെയ്‌തു.

ഇപ്പോൾ സമൂഹ മാധ്യമങ്ങളിൽ വൈറലാകുന്നത് സുഹാസിനി ഇൻസ്റ്റഗ്രാമിൽ ഏറ്റവും ഒടുവിൽ പോസ്റ്റ് ചെയ്ത ചിത്രങ്ങളാണ്. ഈ ചിത്രങ്ങൾ തമ്മിൽ 13 വർഷത്തെ ഇടവേളയുണ്ടെന്ന് പറഞ്ഞാൽ നിങ്ങൾക്ക് വിശ്വസിക്കാനാവുമോ? എന്നാണ് പുതിയ ചിത്രം പങ്കുവെച്ച് കൊണ്ട് നടി ചോദിച്ചത്. ഒരേ സാരിയുടുത്ത് നിൽക്കുന്ന ചിത്രങ്ങളാണ് താരം പങ്കുവച്ചത്. രണ്ട് ചിത്രങ്ങൾ തമ്മിൽ 13 വർഷത്തിന്റെ ഇടവേളയുണ്ടെന്നും സുഹാസിനി പറയുന്നു.

”നിങ്ങൾക്ക് ഇത് വിശ്വസിക്കാനാകുമോ! 13 വർഷത്തെ ഇടവേളയിൽ എടുത്തതാണ് ഈ ചിത്രങ്ങൾ. ആദ്യത്തേത് ബാംഗ്ലൂരിൽ ‘എരട്നെ മധുവേ’ എന്ന ചിത്രത്തിന് വേണ്ടിയായിരുന്നു. ഇന്ന് ഞങ്ങൾ ഷൂട്ടിന് വേണ്ടി അതെ സാരി തന്നെ ഉപയോഗിച്ചു. സാരിയോ മോഡലോ ഫോട്ടോഗ്രാഫറോ ഒറിജിനലുമായി പൊരുത്തപ്പെടുത്താൻ ഞങ്ങൾക്ക് കഴിഞ്ഞില്ല, പക്ഷേ പക്ഷേ ഈ ഫോട്ടോ ഒരുപാട് സന്തോഷം നൽകുന്നു. നന്ദി ആസ്ത, ഈ കൊളാഷിന് -സുഹാസിനി കുറിച്ചു.

ഇപ്പോൾ സമൂഹ മാധ്യമങ്ങളെ അമ്പരപ്പിക്കുകയാണ് സുഹാസിനിയുടെ ചിത്രങ്ങൾ. ഇപ്പോഴും സൗന്ദര്യത്തിന് കോട്ടം തട്ടിയിട്ടില്ലെന്നാണ് ആരാധകരുടെ കമന്റുകൾ. നിങ്ങൾക്ക് ചെറിയൊരു മാറ്റം പോലും വന്നിട്ടില്ല എന്നായിരുന്നു ഖുശ്ബുവിന്റെ കമന്റ്. പ്രായം വെറും നമ്പർ മാത്രമാണെന്ന് നിങ്ങൾ തെളിയിച്ചു എന്നായിരുന്നു ഒരു ആരാധിക പറഞ്ഞത്. അടുത്തിടെ തിയേറ്ററിൽ റിലീസ് ചെയ്ത ‘മരയ്ക്കാർ: അറബിക്കടലിന്റെ സിംഹം’ സിനിമയിൽ പ്രണവ് മോഹൻലാലിൻറെ അമ്മവേഷം ചെയ്തത് സുഹാസിനിയാണ്